अभिनेता पल शाह ‘२ नम्बरी’ बाट हट्ने

मेगा खबर संवाददाता

२६, फाल्गुण २०७८

1.9K

जबरजस्ती करणी अभियोगमा हाल तनहुँ प्रहरी हिरासतमा रहेका अभिनेता पल शाह फिल्म ‘२ नम्बरी’ बाट हट्ने भए ।

पलभित्र भएपछि उनको ठाउँमा हामीले अर्काे कलाकार लिएर काम गर्नैपर्छ’ निर्देशक लामाले भने ‘अहिलेसम्म पललाई हटाइएको छैन । अर्काे कलाकार फाइनल भएपछि उनी हट्नेछन् ।’ निर्देशक लामाले उनको ठाउँमा अर्काे कलाकार फाइनल नभएसम्म हटाइयो भनेर भन्न नमिल्ने बताए ।

‘हामी फिल्म कहिलेबाट छायाङ्कन जाने भनेर छलफल गरिरहेका छौ । फिल्मको छायाङ्कन छिट्टै सुरु भयो भने पल शाह हट्नेछन्’ लामाले थपे ।

निर्माण युनिटले उनलाई हटाएर फिल्म पुरा गर्ने तयारी थालेको हो । निर्देशक दीपेन्द्र लामाले फिल्ममा पल शाहको ठाउँमा अर्काे कलाकार लिएर काम गर्ने तयारी भएको बताए ।

पहिलो चरणको कोरोना महामारीको कारण रोकिएको फिल्मको छायाङ्कन बल्ल अहिले सुरु हुन लागेको हो । फिल्मको १ चैत्रबाट छायाङ्कन सुरु हुने निर्माता किरण नेपालीले बताए । काठमाडौंबाट सुरु भएको फिल्मको छायाङ्कन पोखरामा पुगेर रोकिएको थियो ।

फिल्मका एक कलाकार जयनन्द लामाको निधन भएको छ । उनको ठाउँमा पनि अर्काे कलाकार रहनेछन् । दयाहाङ राई, उगेन छोदेन (भुटानी अभिनेत्री), वर्षा राउत लगायतको मुख्य भूमिका रहने फिल्ममा निर्देशक लामाकै कथा रहेको छ । फिल्ममा निर्माताको रुपमा प्रदेश सांसद दीपक मनाङ्गे समेत भित्रिएका छन् । रोहित कट्टेल र सरोज नेपाली निर्माता रहेको फिल्मका प्रस्तुतकर्तामा किरण नेपाली हुन् ।

बिहिवार, फाल्गुण २६ २०७८०३:००:१०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।