बालुवाटारमा ओली–प्रचण्ड–देउवाबीचको छलफलमा के–के भयो ?

मेगा खबर संवाददाता

१, भाद्र २०७७

3.8K

बालुवाटारमा ओली–प्रचण्ड–देउवाबीचको छलफलमा के–के भयो ?

काठमाडौं । प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल ‘प्रचण्ड’ र प्रतिपक्षी दल नेपाली कांग्रेसका सभापति शेरबहादुर देउवाबीच छलफल सकिएको छ । प्रधानमन्त्रीको सरकारी निवास बालुवाटारमा भएको छलफल केहीबेर अघिमात्र सकिएको हो ।

यसअघि केहीबेर अघिमात्रै नेकपा सचिवालय बैठक सकिएको छ । बैठक सकिएलगत्तै उनीहरुबीच भेटवार्ता भएको हो । विभिन्न संवैधानिक निकायमा हुने पदाधिकारी नियुक्ति तथा विश्वविद्यालयमा हुने नियुक्तिको सन्दर्भम बैठकमा छलफल भएको बुझिएको छ ।

उनीहरुबीच झण्डै १ घन्टा छलफल भएको प्रचण्डका प्रेस संयोजक विष्णु सापकोटा ‘जुुगल’ले जानकारी दिए ।

नेकपाको विवाद समाधान उन्मुख भएसँगै प्रधानमन्त्री ओलीले मन्मिण्डल पुनर्गठनको तयारी गरेका छन् । अहिले देखिएको विवाद र शक्ति सन्तुलन दुबै मिल्ने गरी मन्त्रीहरुको हेरफेर गर्ने तयारी रहेको छ ।

तर, सोमबार पार्टी प्रवक्ता समेत रहेका सचिवालय सदस्य नारायणकाजी श्रेष्ठले भने अहिले मन्त्रिपरिषद पुनर्गठनको बारेमा पार्टीमा छलफल नभएको बताएका छन्

सोमवार, भाद्र १ २०७७०१:१२:१४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।