- TRENDING NOW :
ललिता निवासको जग्गा हिनामिना गरेको मुद्दामा लामो समयदेखि अनुसन्धान गरिरहेको प्रहरीको केन्द्रिय अनुसन्धान ब्यूरोले आरोपीहरुलाई पक्राउ गर्न थालेको छ ।
कागजात ‘किर्ते’ गरेको आरोपमा बिचौलिया रामकुमार सुवेदी र उनकी पत्नी माधवी सुवेदीलाई पक्राउ गरिएको सिआईबीका डीआईजी धीरज प्रताप सिंहले बताए । व्युरोले उनीहरुलाई लिखत सम्बन्धी कसुरमा काठमाडौं जिल्ला अदालतबाट म्याद लिएर अनुसन्धान थालेको छ ।
बालुवाटारको जग्गा हिनामिना सम्बन्धमा यसअघि अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरिसकेको छ । शारदा प्रसाद त्रिताल नेतृत्वको छानविन समितिले जग्गा हिनामिनाबारे केन्द्रिय अनुसन्धान व्युरोलाई विस्तृत अनुसन्धान गर्न दिनुपर्ने सुझाव दिएपछि गृहमन्त्रालयले ब्यूरोलाई अनुसन्धान गर्न निर्देशन दिएको थियो ।
काठमाडौं महानगरपालिका–१३ स्थित ताहाचल घर भएका सुवेदी दम्पतीको बयानका आधारमा थप अनुसन्धान अघि बढ्ने डीआईजी सिंहले बताए ।
सरकारको नाममा आएको जग्गा सुवेदी दम्पतीले मालपोत र नापी कार्यालयका कर्मचारीलाई प्रलोभनमा पारेर कागजात किर्ते गरेर आफ्नो नाममा लिएका थिए । उनीहरुले तत्कालिन मन्त्री र प्रधानमन्त्रीहरूलाई समेत प्रयोग गरेर सो जग्गा आफ्नो नाममा ल्याएर बेचेको आरोप छ । प्रहरीको केन्द्रीय अनुसन्धान ब्यूरो (सीआईबी)ले गए राति स्वयम्भूबाट पक्राउ गरेका उनीहरुलाई बुधबार म्याद थपका लागि जिल्ला अदालत काठमाडौंमा उपस्थित गराएको थियो । अदालतले दुवै जनालाई पाँच दिन थुनामा राख्न अनुमति दिएको सीआईबीले जनाएको छ ।
पत्रकार कम इन्जिनियर, इन्जिनियर कम आर्किटेक्ट, खुशी मानव र श्रीमतीलाई माया गर्ने श्रीमान
मेगा सञ्चार प्रा. लि.
बुढानिलकण्ठ–१२, काठमाडौं
सम्पर्क: ०१–४८२१९२२, ९८५११३१७५०
email: megakhabarnepal@gmail.com
सञ्चार रजिष्ट्रारको कार्यालय,
बागमती प्रदेश दर्ता नं: ०००२०–०७६/७७
प्रेस काउन्सिल सूचिकृत नं.: ११६०–०७६/७७
अध्यक्ष/प्रकाशक: राजकुमार आचार्य
सम्पादक: यूर्वशी पौडेल
सह-सम्पादक: माधव लम्साल
सम्वाददाता: शान्ता आचार्य
जिबन सापकोटा
सन्तोष पान्डे
विपिन सापकोटा
परितोश गाैतम
सुजित महरा
उज्जल लामा
सुजता घिमिरे
रजिना कार्कि
केशरि बि.क
मल्टिमिडिया: निरज खड्का
सुदिप थापा
सल्लाहकारः छविरमण आचार्य
