नेपालमा पहिलो पटक काठमाडौंमा १३ औं इजरायली चलचित्र महोत्सव सुरु

मेगा खबर संवाददाता

१०, मंसिर २०७८

1.4K

नेपालमा पहिलो पटक काठमाडौंमा १३ औं इजरायली चलचित्र महोत्सव सुरु

काठमाडौंमा १३ औं इजरायली चलचित्र महोत्सव सुरु भएको छ ।

कार्यक्रममा मन्त्री आलेले इजरायली फिल्म निर्मातालाई नेपालको मनोहर दृश्य र सौन्दर्य आफ्नो फिल्ममा समेट्न आग्रह गरे । देशको पर्यटन प्रवद्र्धनमा विदेशी फिल्मको छायाङ्कनले सकारात्मक प्रभाव पार्ने बताएका मन्त्री आलेले नेपाल छायाङ्कनमा आउने फिल्मलाई राहत प्याकेजको ब्यवस्था समेत गर्न लागेको बताए ।

इजरायली संस्कृति, कला र परम्पराको प्रवद्र्धनका साथै दुई देशबीचको जनस्तरको सम्बन्ध मजबुत बनाउन महोत्सव आयोजना गरिएको कार्यक्रममा नेपालका लागि इजरायली राजदूत हनान गोडेरले बताए । अभिनेता राजेश हमालले फिल्म सिमानारहित र तिनको सन्देश सार्वभौमिक हुने बिचार राखेका थिए ।

संस्कृति, पर्यटन तथा नागरिक उड्डयनमन्त्री प्रेमबहादुर आलेले बिहिबारबाट साँझ होटल सोल्टीमा आयोजित एक कार्यक्रमका बीच महोत्सवको उद्घाटन गरेका थिए । संस्कृति, पर्यटन तथा नागरिक उड्डयनमन्त्री प्रेमबहादुर आलेले बिहिबारबाट साँझ होटल सोल्टीमा आयोजित एक कार्यक्रमका बीच महोत्सवको उद्घाटन गरे ।

इजरायली राजदूतावासले यो पटकको महोत्सव इन्टरनेशनल साउण्ड सर्भिसेसको प्राविधिक सहकार्यमा ‘ड्राइभ–इन शो’ ढाँचामा आयोजना गरेको हो ।

आफ्नै गाडी भित्रको सुरक्षित घेरामा बसेर हेर्ने ‘ड्राइभ–इन शो’ ले कोरोनाका कारण शिथिल भएका फिल्म क्षेत्रलाई टेवा दिने अपेक्षा इजरायली राजदूतावासले राखेको छ ।

एफएम रेडियो जडित सवारी साधनमा बसेर सोल्टी होटलको पार्किङमा ठूलो पर्दामा महोत्सवका फिल्म हेर्न सकिनेछ । विश्वमा ‘ड्राइभ–इन शो’ नौलो होइन । नेपालमा भने यो पहिलोपटक आयोजना भएको हो ।

शुक्रवार, मंसिर १० २०७८११:२५:३०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।