ग्रनाडामाथि शानदार जीत हासिल गर्दै रियल म्याड्रिड पुनः स्पेनिस ला लिगाको शीर्ष स्थानमा

मेगा खबर संवाददाता

६, मंसिर २०७८

895

ग्रनाडामाथि शानदार जीत हासिल गर्दै रियल म्याड्रिड पुनः स्पेनिस ला लिगाको शीर्ष स्थानमा उक्लिएको छ ।

राति भएको खेलमा रियल ४-१ गोलले विजयी भएको हो । पहिलो हाफमा मार्को असेन्सिया र नाचोले रियललाई अग्रता दिलाए पनि ग्रनाडाका लुइस सुवारेजले हाफ टाइमअघि एक गोल फर्काएका थिए ।

दोस्रो हाफमा भिनिसियस जुनियरले गोल गर्दै रियललाई पुनः दुई गोलको अग्रता दिलाए । यो सिजन भिनिसियसले सबै प्रतियोगितामा १५ खेलमा १० गोल गरेका छन् । त्यसपछि मोन्चुले रातो कार्ड खाएपछि ग्रनाडा १० खेलाडीमा सीमित बन्यो ।

खेलको ७६ औँ मिनेटमा फर्लान मेन्डीले अर्को गोल थप्दै रियललाई सहज जीत दिलाए । जीतसँगै रियल सोसिडाड र सेभियालाई उछिन्दै रियल लिगको शीर्ष स्थानमा उक्लिएको छ । १३ खेलपछि रियलको ३० अंक रहेको छ । ग्रनाडा भने रेलिगेसजन जोनमा पुगेको छ ।

सोमवार, मंसिर ६ २०७८०७:०३:५६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।