आईपीएलको मुख्य प्रायोजक बन्ने होडमा रामदेवको पतञ्जली

मेगा खबर संवाददाता

२६, श्रावण २०७७

2.1K

आईपीएलको मुख्य प्रायोजक बन्ने होडमा रामदेवको पतञ्जली

काठमाडौं।– इण्डियन प्रिमियर लिग (आईपीएल) को मुख्य प्रायोजक बन्नका लागि भारतीय कम्पनी पनि दौडमा छ । केही दिनअघि मात्र भारतीय क्रिकेट कन्ट्रोल बोर्ड (बीसीसीआई) ले चिनियाँ मोबाइल कम्पनी भिभोसँग आफ्नो सम्झौता रद्द गरेको थियो ।

त्यसपछि अन्य कम्पनीसहित योगगुरु बाबा रामदेवको कम्पनी पतञ्जली पनि आईपीएलको मुख्य प्रायोजक बन्ने होडमा सामेल भएको हो । भारतीय सञ्चारमाध्यमका अनुसार कम्पनीले यो कुराको पुष्टि गरेको हो ।

पतञ्जलीका प्रवक्ता एसके तिजारावालाले यस वर्षको आईपीएलको मुख्य प्रायोजक बन्नेबारेमा विचार गरिरहेको बताएका छन् । ‘हामी पतञ्जली ब्राण्डलाई विश्व मञ्चसम्म पुर्याउन चाहन्छौँ, यसको लागि यो मञ्च सबैभन्दा प्रभावकारी हुन्छ’, उनले भने ।

साथै उनले बीसीसीआईलाई एक प्रस्ताव पठाउने तयारी भइरहेको बताए ।

बजारका जानकारहरुका अनुसार एक चिनियाँ कम्पनीको विकल्पको रुपमा एक राष्ट्रिय ब्राण्डको रुपमा पतञ्जलीको दाबी निकै बलियो रहेको छ । साथै उनीहरु पतञ्जलीमा बहुराष्ट्रिय ब्राण्डको रुपमा दोस्रो ब्राण्डको प्रतिस्पर्धा क्षमताको कमी भएको बताउँछन् ।

सोमवार, श्रावण २६ २०७७०१:४२:४०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।