कोरोनाको लक्षण मिल्ने एक पुरुषको मृृत्यु

मेगा खबर संवाददाता

२५, श्रावण २०७७

1.2K

कोरोनाको लक्षण मिल्ने एक पुरुषको मृृत्यु

जनकपुरधाम । धनुषामा कोरोनासंग मिल्दो जुल्दो लक्षण रहेका एक जना पुरुषको मृत्यु भएको छ । केही दिन यतादेखि रुघाखोकी, टाउको दुख्ने जस्ता लक्षण रहेको सो पुरुषको आइतबार मृत्यु भएको हो ।

मिथिला विहारी नगरपालिका वडा नम्बर ५ घर रहेका सो पुरुषको मृत्यु भएपछि उनको शव व्यवस्थापनका नेपाली सेनाको टोली त्यहाँ पुग्न लागेकोे धनुषाका प्रमुख जिल्ला अधिकारी प्रेमप्रसाद भट्टराईले जानकारी दिएका छन् ।

विनयतारा फाउण्डेशनमा सेक्युरिटी गार्डको रुपमा विगत ५ महिनादेखि काम गर्दै आएका सो पुरुषलाई गत ५ दिनदेखि रुखाखोकी, टाउको दुख्ने लगायतको समस्या रहेको मिथिला विहारी नगरपालिका वडा नम्बर ५ का वडाध्यक्ष विनोद मण्डलले बताए । उनका अनुसार उनी दैनिक आफ्नो गाउँ ललियाबाट कामका लागि जनकपुरधाम आवत जावत गर्दै आई रहेका थिए । यद्यपि आफू अस्वस्थ रहेको कुृरो कसैलाई बुझ्न नदिएको वडाध्यक्ष मण्डलले बताए ।

यता मृतकको शव अहिले पनि विनयतारा फाउण्डेशनमै रहेको छ । उनको शवको व्यवस्थापनको प्रकृया अगाडी बढाइएपनि कोरोना संक्रमणको पुष्टी हुन नसकेको प्रमुख जिल्ला अधिकारी भट्टराईले बताए । उनका अनुसार मृतकको स्वाब संकलनको तयारी समेत भई रहेको छ ।

आइतवार, श्रावण २५ २०७७१२:५७:२६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।