हेलिकोप्टरबाट ओर्लिएपछि गायिका इन्दिरा जोशीलाई प्रेमीले विवाहको प्रस्ताव

मेगा खबर संवाददाता

८, आश्विन २०७८

1.6K

हेलिकोप्टरबाट ओर्लिएपछि गायिका इन्दिरा जोशीलाई प्रेमीले विवाहको प्रस्ताव

गायिका इन्दिरा जोशीलाई उनका प्रेमीले विवाहको प्रस्ताव राखेका छन् ।

प्रेमी शरद केडियाले हेलिकोप्टरमा खुम्बु पुगेर उनलाई फिल्मी शैलीमा औंठी लगाइदिएर विवाहको प्रस्ताव राखेका हुन् । इन्दिराले विवाहको प्रस्ताव स्वीकार गरेको बताएकी छिन् ।

इन्दिराले आफ्नो इन्स्टाग्राम अकाउन्टमा प्रेमीसँगको आफ्ना तीनवटा फोटो पोस्ट गर्दै यसबारे जानकारी दिएकी छिन् । फोटोको क्याप्सनमा उनले लेखेकी छिन्,उनले सोधे,मसँग विवाह गर्छौ? र मैले हुन्छ’ भनिदिएँ । यी दुईको भिडियो टिकटकमा निकै चर्चित समेत भइरहेको छ ।

इन्दिराका प्रेमी शरद केडिया फेसन डिजाइनर हुन् । उनको डिजाइनमा नेपाली सेलिब्रिटीसमेत सजिने गरेका छन् । नायिका स्वस्तिमा खड्का, ऋचा शर्मा, मिस नेपाल श्रृङ्खला खतिवडा, कार्यक्रम प्रस्तोता सहाना बज्राचार्य, रिमा विश्वकर्मा लगायतले शरदको डिजाइन पेश गर्ने गरेका छन् ।

शुक्रवार, आश्विन ८ २०७८११:०६:५३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।