कोभिड - १९ को विश्वव्यापी असरसँगै रोकिएको जारी २०१९-२० सिजनको युएफा च्याम्पियन्स लिगको खेलहरु गएराती बाट सुचारु भएसँगै राउण्ड अफ १६ को गएराती भएको दोस्रो लेग पश्चात् स्पेनिस क्लब रियल मड्रीड र इटालियन क्लब युभेन्टस प्रतियोगिताबाट बाहिरिएका छन ।

रियल मड्रीडलाई हराउँदै इङ्ग्लिश क्लब म्यानचेष्टर सिटी दुई लेगमा कुल ४-२ ले बिजयी भयो र युभेन्टससँग दुई लेगमा कुल २-२ को नतिजा निकाल्दै फ्रेन्च क्लब लायोनले अवे गोलको नियमका आधारमा क्वार्टरफाईनलको यात्रा तय गरेको हो ।

सिटीको घरेलु मैदानमा खेलको ९औं मिनेटमा ग्यारिबल जिससको पासमा रहीम स्टर्लिङले गोल गरे भने दोस्रो गोल जिसस आफैलें ६८औं मिनेटमा गरे । दुबै पटकमा मड्रीड डिफेण्डर राफेल वरानको कमजोरीको फाईदा उठाउँदै सिटीले गोल गर्‍यो । मड्रीडका लागि करीम बेन्जमाले २८औं मिनेटमा उत्कृष्ट हेडर गोल गरेता पनि जीतको लागि काफी हुन सकेन र समग्रमा पहिलो लेगको २(१ अनि दोस्रो लेगको २-१ को नतिजासँगै जम्मा ४-१ ले सिटी बिजयी भयो ।

यता युभेन्टसले आफ्नो घरेलु मैदानमा २(१ को नतिजा निकाले पनि अघिल्लो लेगमा १-० ले पराजित भएको हुनाले दुबै टीमको कुल २-२ गोल भएको अवश्थामा अवे गोलको नियम अनुसार लायोन अगाडि बढेको छ । युभेन्टसका लागि दोस्रो लेगको दुबै गोल कृष्टियानो रोनाल्डोले गरेता पनि जितको लागि पर्पाप्त भएन । खेलको १२औं मिनेटमा लायोनका मेम्फिस डिपेले पाएको पेनाल्टीको सदुपयोग गर्दै लायोनलाई अग्रता दिलाए । रोनाल्डोले ४३औं मिनेटमा पेनाल्टीबाट र ६० औं मिनेटमा फेडरिको बर्नार्डेस्कीको पासमा आउटसाईड बक्सबाटै उत्कृष्ट प्रहार गर्दै गोल गरेका थिए ।

त्यस्तै आजको खेलमा इटालियन क्लब नेपोलीले बार्सिलोनाको सामना गर्नेछ भने चेल्सीले जर्मन क्लब बायर्न म्युनिखसँग संघर्ष गर्नेछ । यी खेलको अघिल्लो लेगमा बायर्न म्युनिख ३(० ले अगाडि रहेको छ भने बार्सिलोना र नेपोलीको १-१ गोल बराबरी छ । अन्तिम नतिजा भने दोस्रो लेगको समाप्तिसँगै हुनेछ ।

अगाडि नै दोस्रो लेग सकिएर क्वार्टरफाईनल प्रबेश गरिसकेका टीमहरुमा एटलान्टा, पेरिस सेन्ट जर्मन, लेपजिज र एट्लेटिको मड्रीड गरि चारवटा रहेका छन । सिटी र लायोन गएरातीबाट अगाडि बढेसँगै वाँकी दुई टीमहरु आजको खेलबाट निर्धारण हुनेछन ।

राउण्ड अफ १६ अन्तर्गतका बाँकी खेलहरु आजबाट सकिनेछन भने अगष्ट १३ तारिकबाट क्वार्टरफाईनलका खेलहरु हुनेछन । त्यसपछी सेमीफाईनल हुँदै अगष्ट २४ तारिकमा फाईनल हुनेछ ।