जनकपुरधाम । महोत्तरी गौशाला नगरपालिका ११ भरतपुरकी २३ वर्षीया गंगादेवी महतोको जनकपुरधास्थित रामजानकी हस्पिटलमा मृत्यु भयो । उनको अस्पताल रको लापरबाहीबाट मृत्यु भएको हो ।

पहिलो सन्तान पाउने खुसीमा रहेका राजकिशोर यादव (श्रीमान) ले छोरी त पाए तर श्रीमति गुमाए । अस्पताल र रेडक्रसले ब्लड ग्रुप चिन्न सक्दा उनलाई मृत्यु वरण गर्नु परेको हो । 

‘ओ’ पोजेटिभ ब्लड ग्रपुको साटो ‘बी’ पोजेटिभ ब्लड चढाउँदा रिएक्सन भएपछि शुक्रबार बिहान साढे ९ बजे गंगादेवीको मृत्यु भएको हो ।

अस्पताल र रेडक्रसको लापरवाहीले सुत्केरी महिलाको मृत्यु भएपछि परिवारजनले शव उठाउन मानेका छैनन् । मृतकको शव भने अहिले पनि रामजानकी हस्पिटलको आइसीयूमा राखिएको छ । 

अस्पताल वा रेडक्रसको लापरवाही
महोत्तरीको बर्दिवास्थित स्वस्तिक अस्पतालमा चेकजाँच गराएर अल्ट्रासाउण्ड गराउँदा चिकित्सकहरुले बच्चाको तौल साढे ३ किलो रहेको र आमा कमजोर रहेकोले शल्यक्रिया नै गर्नपर्ने भएपछि जनकपुर लगेका थिए ।

गाइनोकलोजिष्ट चिकित्सक शैलेन्द्र साहको सल्लाह अनुसार उनले अपरेशनको प्रकृया अगाडी बढाए ।

शल्यकृयापछि गंगादेवीले छोरी जन्माएकी थिइन् । 

यसअघि नै गंगादेवीलाई रगतको खाँचो पर्ने भन्दै १ पिन्ट रगतको व्यवस्था गर्न भनेका थिए । रगतको व्यवस्था गर्न श्रीमान राजकिशोर र देवर रामहरि लागि सकेका थिए । चिकित्सकहरुले गंगादेवीको रगगतको सैम्पल सहित रगत ल्याउन भनेका थिए । रेडक्रसले गंगगादेवीको ब्लड ग्रुप बी पोजिटिभ रहेको र श्रीमान राजकिशोरको पनि ब्लड ग्रुप सोही रहेकोले उनले श्रीमतीका लागि एक पोका रगत दिए । 

रेडक्रसले दिएको रगतको पोका चिकित्सकहरुले चढाउँदा सुत्केरी झनै सिकिस्त हन थालेपछि तत्काल रगत चढाउन आफूहरुले बन्द गरेको अस्पतालको प्रशासन शाखाका प्रमुख विकासचन्द्र गुप्ताले बताए । पछि अस्पतालकै लैबमा रगतको जाँच हुँदा ओ पोजेटिभि ठहरिएको थियो ।

यस विषयमा रामजानकी डाइग्नोष्टिक सेन्टरका मुकेश सिंहले भने केही जवाफ दिन सकेनन् बरु रेडक्रसले नै गल्ती गरेको हुन सक्ने बताए ।