मन्त्रिपरिषद् बैठकका निर्णय :

३३४ अस्थायी दरबन्दी स्वीकृत, लगानी बोर्डको कार्यकारी अधिकृतमा भट्ट

मेगा खबर संवाददाता

२२, श्रावण २०७७

2.2K

३३४ अस्थायी दरबन्दी स्वीकृत, लगानी बोर्डको कार्यकारी अधिकृतमा भट्ट

काठमाडौं । सरकारले करार दरबन्दी नथप्ने सरकारको यसअघिको निर्णयविरुद्ध अस्थायी दरबन्दी स्वीकृत गर्ने निर्णय गरेको छ । गत १९ साउनमा बसेको मन्त्रिपरिषद् बैठकले सो निर्णय गरेको हो ।

यसअघि विश्वव्यापी फैलिएको कोरोना महामारी र त्यसबाट उत्पन्न आर्थिक संकटले गर्दा करार दरबन्दी नथप्ने सरकारले निर्णय गरेको थियो । बिहीबार सरकारले अस्थायी दरबन्दी स्वीकृत गरेको प्रवक्ता डा. युवराज खतिवडाले जानकारी दिए ।

अर्थ, संचार तथा सूचना प्रविधि मन्त्री समेत रहेका डा. खतिवडाका अनुसार सरकारले सञ्चालन गर्ने विभिन्न कार्यक्रम र आयोजनाहरुका लागि राजपत्रांकित ३३४ अस्थायी दरबन्दी स्वीकृत गरेको छ ।

त्यसमध्ये, भूमि, व्यवस्था, सहकारी तथा गरिबी निवारण मन्त्रालय अन्तर्गत संचालन हुने आयोजना तथा कार्यक्रमहरु कार्यान्वयन गर्न ४२ जना राजपत्राकिंत अधिकृतहरुको अस्थायी दरबन्दी स्वीकृत गर्ने निर्णय गरेको छ ।

त्यस्तै, लगानी बोर्डको प्रमुख कार्यकारी अधिकृतमा सुशिल भट्टलाई नियुक्त गर्ने निर्णय सरकारले गरेको छ ।

त्यस्तै बैठकले रुग्ण उद्योग सम्बन्धमा सुझाव लिन ५ सदस्यीय समिति गठन गरेको छ । रुग्ण उद्योग पहिचान, वर्गीकरण, पुनर्उत्थान, पुनर्निर्माण तथा व्यवस्थापनका लागि सरकारलाई सुझाव दिने गरी दिपक सुवेदीको संयोजकत्वमा ६ सदस्यीय समिति गठन गरेको हो ।

हेर्नुहोस् मन्त्रिपरिषद् बैठकका निर्णयहरु:

mantriparisadh-nirnaya-august-6-0682020020518-1000x0-1.jpg

mantriparisadh-nirnaya-august-6-1-0682020020507-1000x0-1.jpg

बिहिवार, श्रावण २२ २०७७०८:१७:०४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।