विश्वकपको छनोट खेलमा इंग्ल्याण्डले आफ्नो शत प्रतिशत नतिजा कायम राख्यो

मेगा खबर संवाददाता

१८, भाद्र २०७८

1.5K

विश्वकपको छनोट खेलमा इंग्ल्याण्डले आफ्नो शत प्रतिशत नतिजा कायम राख्यो

विश्वकपको छनोट खेलमा अर्को वर्ष आयोजना हुने इंग्ल्याण्डले आफ्नो शत प्रतिशत नतिजा कायम राखेको छ ।

हिजो बिहीबार इंग्ल्याण्डले हंगेरीमाथि ४–० को शानदार जीत हासिल गर्न सफल भएको हो । समूह आईमा रहेको इंग्ल्याण्डले हालसम्म खेलिएका ४ मध्ये ४ वटामै जीत हासिल गरेको छ । योसँगै समूहको शीर्ष स्थानमा पाँच अंकको अग्रता बनाउन सफल भएको छ ।

खेलको पहिलो हाफ भने गोलरहित बराबरीमा टुंगिएको थियो । दोस्रो हाफमा इंग्ल्याण्डले गोलको वर्षा गर्‍यो । राहिम स्टर्लिङ, ह्यारी केन, ह्यारी मग्वायर र डेक्लन राइसले गोल गर्दै इंग्ल्याण्डलाई सहज जीत दिलाए । उता, समूको दोस्रो स्थानमा रहेको पोल्याण्डले पनि अल्बानियालाई ४–१ गोलले हरायो ।

बिहीबार नै भएको अन्य खेलमा स्पेन स्वीडेनसँग २–१ ले स्तब्ध बनेको छ । विश्वकप छनोटमा स्पेन सन् १९९३ यता पहिलोपटक पराजित बनेको हो । कार्लोस सोलेरले लुइस एनरिकेको टोलीलाई खेलको सुरुवातमा नै अग्रता दिलाएका थिए । तर, १२ सेकेन्डपछि नै अलेक्सान्डर इसाकले बराबरी गोल फर्काएका छन् ।

दोस्रो हाफमा भिक्टर क्लाएसनले डेजान कुलुस्भेस्कीको पासमा १२ यार्ड टाढाबाट गोल गर्दै स्वीडेनलाई जीत दिलाए । स्पेनपछिल्लो पटक विश्वकप छनोटमा डेनमार्कसँग सन् १९९३ को मार्चमा पराजित भएको थियो । त्यसयता स्पेनले विश्वकप छनोटका ५२ खेलमा जीत र १४ मा बराबरी गरेको थियो ।

शुक्रवार, भाद्र १८ २०७८०८:०८:००

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।