नेपाली काँग्रेसले गण्डकी प्रदेशमा मन्त्रीको नाम टुंग्यायो

मेगा खबर संवाददाता

८, श्रावण २०७८

2.1K

नेपाली काँग्रेसले गण्डकी प्रदेशमा मन्त्रीको नाम टुंग्यायो

गण्डकी, नेपाली काँग्रेसले गण्डकी प्रदेशमा मन्त्री हुनेको नाम टुंगो लगाएको छ ।

कांग्रेसबाट कास्कीका बिन्दु कुमार थापा, स्याङ्जाका मेखलाल श्रेष्ठ, र बागलुङका मणिभद्र शर्मा कँडेल मन्त्री बन्ने भएका छन् काँग्रेसमा व्यक्तिपिच्छेका गूटउपगूटका कारण मन्त्री चयनमा विवाद भएपछि मुख्यमन्त्री कृष्णचन्द्र नेपाली पोखरेल नेतृत्वको मन्त्रिपरिषद विस्तारमा ढिलाइ भएको थियो ।

कांग्रेसका तर्फबाट कुमार खड्का सरकारमा सहभागि भएका छन् । काँग्रेसको भागमा भौतिक पूर्वाधार, शहरी विकास तथा यातायात व्यवस्था मन्त्रालय, कानुन, सञ्चार तथा प्रदेशसभा मामिला, उद्योग वाणिज्य तथा आपूर्ति मन्त्रालय छ । नेपली काँग्रेसले तीन जनाको नाम छनोट गरेपनि कसले कुन मन्त्रालय पाउने भन्ने टुंगो भने लगाएको छैन ।

माओवादीले यसअघि पनि बिहीबार तीन मन्त्रीको टुंगो लगाएको थियो । माओवादीले रामजी बराल (जीवन) अर्थमन्त्री, चन्द्रबहादुर बुढा भूमि व्यवस्था, कृषि, सहकारी तथा गरिबी निवारणमन्त्री र दीपक थापा वन, वातावरण तथा भू–संरक्षण मन्त्रीमा नाम टुंगो लगेको छ ।
काँग्रेस र माओवादीका तीन÷तीन जनाले आजै शपथ लिँदै छन् ।

गण्डकी प्रदेशमा रहेको ११ मन्त्रालयमध्ये पाँच मन्त्रालय कांग्रेसले पाएको छ । माओवादीको भागमा चार, जसपा र स्वतन्त्र सांसद राजीव गुरुङको भागमा १÷१ मन्त्रालय समेत परेको छ । नेपाली काँग्रेसले यसअघि जनता समाजवादीलाई २ मन्त्रालय दिने सहमति गरेको थियो ।

शुक्रवार, श्रावण ८ २०७८०१:५६:४६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।