जन्मदिन पारेर मात्रै सार्वजनिक गरिन् रक्षाले यि .......

मेगा खबर संवाददाता

२३, आषाढ २०७८

4.9K

जन्मदिन पारेर मात्रै सार्वजनिक गरिन् रक्षाले यि .......

काठमाडाैं, चर्चित अभिनेत्री रक्षा श्रेष्ठ पनि आमा बनेकी छन् ।

दुई महिना अगाडि एक छोरीको जन्म दिएकी रक्षाले आफु आमा बनेको बुधबार मात्र सार्वजनिक गरेकी छिन् ।
उनले आज परेको आफ्नो दिनको अवसर पारेर छोरीको तस्बिर सार्वजनिक गर्दै आमा बनेको समेत जानकारी दिएकी छिन् । बैशाख २३ गते छोरीलाई जन्म दिएकी रक्षाले आमा बनेको खबर भने गोप्य राख्दै आएकी थिइन् ।

आफ्नो आज जन्मदिन परेको र छोरी पनि दुई महिना पुगेकोले छोरीको तस्बिर सामाजिक संजाल माफर्त सार्वजनिक गरेको रक्षाले बताइन् । ‘मलाई पर्सन जीवन गोप्य राख्नै मनपर्छ । त्यसैले आमा बनेको खबर बाहिर ल्याएको थिइन’ रक्षाले भनिन् ‘केही मिडियाले मेरो बिषयमा छोरा जन्माएको लगायत केही भ्रामक समाचार हिजो बनाएको पाएकोले छोरीको नाम सहित तस्बिर सार्वजनिक गरेकी हुँ ।

छोरीको नाम माहिरा गुरुङ रहेको छ । उनले छोरीका साथ केही तस्बिर सार्वजनिक गर्दै सामाजिक संजालमा लेखेकी छन् ‘मेरो छोरी दुई महिना पुगेकी छन् । रक्षा आज परेको आफ्नो जन्मदिन भने घरपरिवारसँगै सेलिब्रेसन गर्दै छिन् ।

अहिले साथीभाई भेला भएर जन्मदिन मनाउने माहोल नभएकोले जन्मदिन घरपरिवारसँगै घरमै मनाउन लागेको रक्षाले सुनाइन् । चर्चित हाँस्य सिरियल ‘भद्रगोल’मा अभिनय गरेपछि चर्चामा छाएकी श्रेष्ठ पछिल्लो समय सिरियल ‘सक्किगो नि’मा पनि देखिँदै आएकी थिइन् ।

गर्भवती भएपछि भने उनले कलाकारिताबाट ब्रेक लिएकी छिन् । १ सय बढी म्यूजिक भिडियो, केही सिरियलमा अभिनय गरेकी श्रेष्ठले ६० बढी विज्ञापन चलचित्रमा पनि काम गरेकी छन् ।

बुधवार, आषाढ २३ २०७८१०:४६:२१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।