गण्डकीका मुख्यमन्त्री पोखरेल मनाङको बाढीपीडित बस्तीमा जाने

मेगा खबर संवाददाता

३, आषाढ २०७८

1.4K

गण्डकीका मुख्यमन्त्री पोखरेल मनाङको बाढीपीडित बस्तीमा जाने

पोखरा, गण्डकी प्रदेशका मुख्यमन्त्री कृष्णचन्द्र नेपाली पोखरेल बाढीपीडित मनाङको अवलोकन गर्न जाने भएका छन् ।

गण्डकी प्रदेशस्तरीय प्रदेश विपद् व्यवस्थापन कार्यकारी समितिको बैठकको निर्णयअनुसार टोलीसहित मुख्यमन्त्री पोखरेल मनाङको बाढीपीडित बस्तीमा जाने भएका छन् ।

समितिका अध्यक्ष मुख्यमन्त्री पोखरेल आफैं छन् । यसैगरी बैठकले विपदमा परेकाहरूको उद्धार तथा तिनलाई राहतका लागि प्रदेश तथा जिल्लाका सुरक्षाकर्मी, जनप्रतिनीधि, सरकारी तथा गैरसरकारी कार्यालयलाई निर्देशन दिएको छ ।

बैठकले वर्षाका कारण अवरुद्व सडक तत्काल मर्मत गरी खुलाउन भौतिक तथा पूर्वाधार मन्त्रालयलाई बजेट व्यवस्था गर्न निर्देशन दिएको मुख्यमन्त्रीको कार्यालयकी सचिव इन्दु घिमिरेले जानकारी दिइन् ।

उनको अनुसार विपद् पूर्वतयारी तथा प्रतिकार्य योजना तत्काल बनाई कार्यान्यवन गर्ने तथा प्रदेशस्तरीय विपद् कोष नियमावली अनुसार कम्तीमा ५ करोड रुपैयाँ कोषमा जम्मा गर्ने निर्णय बैठकले गरेको छ ।

बिहिवार, आषाढ ३ २०७८१२:३५:५६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।