करदाता सचेतना अभियानलाई प्रभावकारी बनाउन सडक नाटक(फोटोफिचर)

मेगा खबर संवाददाता

३, बैशाख २०७८

2.7K

करदाता सचेतना अभियानलाई प्रभावकारी बनाउन सडक नाटक(फोटोफिचर)

काठमाण्डाै, महानगरपालिकाले करदाता सचेतना अभियानलाई प्रभावकारी बनाउन शुक्रवार (आज) देखि सडक नाटक शुरु गरेको छ ।

करदातालाई दबाब दिएर नभइ सकारात्मक सन्देश सहित कर तिर्ने वातावरण निर्माण होस् भन्ने उद्देश्यले काठमाण्डाै महानगरपालिकाल आनुसुकी घरबेटी बा सडक नाटक’ शुरु गरेको छ । महानगरपालिकाले पहिलो चरणमा काठमाण्डाै महानगरपालिका भित्रका वसन्तपुर, कालीमाटी, कलङ्की, चावहिल, गौशाला, नयाँ बानेश्वर लगायतका १० ठाउँमा सडक नाटक गर्न लागेको छ ।

unn.prixa.net

आज वसन्तपुर, कालीमाटी र कलङ्कीमा सडक नाटक भएको छ । सडक नाटक मार्फत कर तिर्दा हुने फाइदा र नतिर्दा हुने बेफाइदाको विषयलाई देखाइएको हो ।

महानगरपालिकाका राजस्व विभाग प्रमुख डाक्टर शिवराज अधिकारीले करदातालाई कर र दबाबमा कर तिर्नुभन्दा स्वतःस्फुर्त रूपमा कर तिर्नुपर्छ भन्ने अभियान अन्तर्गत सडक नाटक मञ्चन गरिएको छ । कानुनमा कर सम्बन्धी के व्यवस्था छ, कर कसरी तिर्नुपर्छ, समयमै कर तिर्दा के–कस्तो छुट पाउन सकिन्छ भन्ने कुरालाई केन्द्रित गरेर सडक नाटक गरिएको पनि उनले बताए ।

महानगरपालिकाले पहिलो पटक सडक नाटक मार्फत कर सम्बन्धी सचेतना फैलाउन लागेको पनि अधिकारीले बताए । पहिलो चरणमा आर्थिक कारोबार बढी हुने क्षेत्रका बजारमा नाटक देखाइने र बिस्तारै सबै ठाउँमा नाटक गरिने बताए । नाटक मार्फत करदातालाई कर तिर्नका लागि जागरुक गराउने मात्र नभइ तिरेको कर राज्यले कसरी सदुपयोग गर्छ भन्ने देखाउन खोजिएको हो अधिकारीले मेगा खबरलाई जानकारि दिए ।

शुक्रवार, बैशाख ३ २०७८०८:१८:४५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।