विद्यार्थीलाई प्रलोभनमा पारेर रकम उठाइ कक्षा सञ्चालन

मेगा खबर संवाददाता

२८, चैत्र २०७७

1.4K

काठमाडाै, मेमोरी किङ भनेर चिनाउने गिरीले सदरमुकामका विभिन्न विद्यालयका विद्यार्थीलाई प्रलोभनमा पारेर रकम उठाइ कक्षा सञ्चालन गरिएको छ ।

उनले विद्यार्थीहरुलाई स्मरण शक्ति बढाउने भन्दै गैरकानुनी रुपमा प्रति विद्यार्थी रु दुई सयका दरले पैसा उठाएका थिए । गिरीले विद्यार्थीहरुलाई काल्पनिक कुरा सिकाउँदै पैसा लिएर विद्यालय बाहिर छुट्टै भेला गराएर कक्षा सञ्चालन गर्ने गरेको विद्यार्थीले बताएका हुन् ।

परीक्षणका रुपमा केही दिनअघि विद्यालय पुगेर छुट्टै कक्षा लिएका गिरीले आफूले जस्तोसुकै शब्द तथा वाक्य समेत एकैपटकमा बनाइदिने दावी गर्दै प्रलोभनमा पारेका थिए ।

विद्यालयको कक्षा कोठा नै रित्तो पारेर विद्यार्थीहरु स्मरण शक्ति बढाउन छुट्टै कक्षामा बस्न थालेपछि विद्यालय सुनसान बनेको छ । तर विद्यालय प्रशासनले भने विद्यार्थीहरु आफूखुशी गएको सगरमाथा जनता माध्यमिक विद्यालयका प्रधानाध्यापक डिल्लीराम कार्कीले दाबी गरेका छन् ।

जिल्ला सदरमुकामको सगरमाथा जनता माध्यमिक विद्यालय र ओखलढुंगा क्याम्पसका बिद्यार्थी हरुबाट पैसा उठाएर कक्षा सञ्चालन गरेको पाइएपछि स्थानिय प्रशासनले उक्त पैसा विद्यालयको प्रधानाध्यापक मार्फत फिर्ता गराएको छ । पैसा उठाएर पढाउँदै हिँडेका गिरीले आफुमा गट गिफ्टेट क्षमता रहेको र सोही क्षमता आफ्नो पेशा भएको प्रशासनसँग दाबी गरे ।

उनलाई कानुनी प्रकृया पुरा गरेर कक्षा लिन पाउने र लिएको पैसा फिर्ता दिने सहमतिमा समेत छाडिएको छ ।

शनिवार, चैत्र २८ २०७७११:५७:५२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।