राजु सदाको परिवारलाई ५ लाख सहयोग गरिने

मेगा खबर संवाददाता

१२, आषाढ २०७७

3.1K

धनुषा । आइसोलेसनमा ज्यान गुमाएका धनुषाको हंसपुर नगरपालिकाका राजु सदाको परिवारलाई सहयोग उपलब्ध गराइने भएको छ । सदाको परिवारलाई प्रदेश सरकारले ५ लाख रुपैयाँ सहयोग गर्ने घोषणा गरेको हो ।

प्रदेश २ का आन्तरिक मामिला तथा कानुन मन्त्री ज्ञानेन्द्र यादवले सदाको परिवारलाई अन्तरिम राहत स्वरुप ५ लाख उपलब्ध गराइने जानकारी दिनुभयो । घटनाको छानबिनका लागि गठित समितिले काम सुरु गरिसकेको जनाउँदै मन्त्री यादवले छानबिनमा दोषी देखिने जोकोहीलाई कारबाही गरिने पनि प्रष्ट पार्नुभएको छ ।

प्रदेश सरकारले बिहीबार मात्र १६ वर्षीय राजु सदाको मृत्युबारे छानबिन गर्न स्वास्थ्य निर्देशनालयका निर्देशक हरिश्चन्द्र शाहको संयोजकत्वमा तीन सदस्यीय छानबिन समिति गठन गरेको छ । जेठ ३ गते भारतको अहमदावादबाट आएका राजुलाई १७ दिनसम्म क्वारेन्टाइनमा राखिए पनि झाडापखाला लाग्दा राम्रो उपचार नपाएर सोमबार मृत्यु भएको थियो ।

शुक्रवार, आषाढ १२ २०७७१२:२२:१२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।