कर सम्बन्धी भ्याकेट निवेदनमाथि आज सुनुवाई हुँदै

मेगा खबर संवाददाता

१, आषाढ २०७७

1.7K

कर सम्बन्धी भ्याकेट निवेदनमाथि आज सुनुवाई हुँदै

बन्दाबन्दी खुलेको ३० दिनभित्र कर तिर्ने व्यवस्था मिलाउन सर्वोच्च अदालतले दिएको अन्तरिम आदेश खारेजीको माग गर्दै सरकारले दर्ता गरेको भ्याकेट (पुनरावलोकन निवेदन) को सुनुवाई सोमबार हुँदैछ ।

सोमबार सो मुद्दाको सुनुवाई प्रधानन्यायाधीश चोलेन्द्र शमशेर जबरा र न्यायाधीश प्रकाश ढुंगानाको इजलासमा हुँदैछ ।

महान्यायाधिवक्ताको कार्यालयमार्फत सर्वोच्च अदालतले गएको बुधबार दिएको सो अन्तरिम आदेश खारेजीको माग गर्दै शुक्रबार भ्याकेटको निवेदन दर्ता भएको हो ।

भ्याकेट निवेदनमा सरकारको आम्दानीको मुख्य स्रोत नै राजश्व भएको र राजश्व सङ्कलन नहुँदा कर्मचारीको तलबदेखि सबै काम रोकिने भएको भएकाले गत चैतसम्मको कर अनलाईमार्फत बुझाउन भनिएको उल्लेख छ ।

सरकारले साना व्यवसायीबाट नभई मूल्यअभिवृद्धि कर र अन्तःशुल्क कर मात्र अनलाईनामार्फत बुझाउन भनिएको निवेदनमा उल्लेख छ ।

सर्वोच्च अदालतको आदेशले राजश्व सङ्कलनमा अवरोध भई अर्थतन्त्रमा गम्भीर सङ्कट पर्ने भएकाले उक्त आदेश खारेजी गर्न निवदेनमा माग गरिएको छ ।

सोमवार, आषाढ १ २०७७१२:००:०९

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।