लाइफ भिजन सहकारीले गर्यो सेयर सदस्यको कोरोना बिमा

मेगा खबर संवाददाता

१७, जेठ २०७७

5.6K

लाइफ भिजन सहकारीले गर्यो सेयर सदस्यको कोरोना बिमा

नेपालमा कोरोना भाईरसको संक्रमण बढेसगैँ विभिन्न क्षेत्रका संघ संस्थाहरुले कोरोना बिमा गर्न थालेका छन् । यसैबिच काठमाडौँ बुढानिलकण्ठ नगरपालिका १२ कपन स्थित लाइफ भिजन बचत तथा ऋण सहकारी संस्था लिमिटेडले आफ्ना शेयर सदस्य र कर्मचारीहरुको एक लाख बराबरको कोरोना बिमा गरेको छ ।

संस्थाले आफ्ना सदस्य र कर्मचारीहरुको स्वास्थ्यलाई ध्यानमा राखि रु.५० हजार भन्दा बढि सेयर लगानी गर्ने १६९ जना सेयर सदस्य र १० जना कार्यरत कर्मचारीहरुको १ लाख बराबरको कोरोना सामुहिक बिमा गरेको संस्थाका सचिव कृष्ण प्रसाद अधिकारीले मेगा खबरलाई जानकारी दिनुभयो ।

२०७७ जेष्ठ १६ गतेबाट लागु हुने गरी आई एम इ जनरल इन्सुरेन्सबाट गरिएको यस कोरोना बिमाको विमालेख अवधि १५ दिन पछिबाट शुरु भई एक वर्षसम्म लागु हुनेछ । यस अवधिमा कुनै व्यक्तिमा कोरोना परीक्षणको नतिजा (PCR) पोजेटिभ आएमा १ लाख नगद भुक्तानी गर्ने जनाएको छ ।

यस बिमा योजनामा समाबेश भएका सेयर सदस्य र कर्मचारीहरुमा कोरोना भाइरसको संक्रमण भएको अवस्थामा यस योजनाले केहि हदसम्म आर्थिक टेवा पुर्याउने अपेक्षका साथ यो कार्यक्रम ल्याइएको संस्थाले जनाएको छ ।

शनिवार, जेठ १७ २०७७०५:४५:३८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।