सेयर बजारमा ३६ अंकको पहिरो, १३ वटै समूह राताम्मे

मेगा खबर संवाददाता

१०, भाद्र २०८३

787

सेयर बजारमा ३६ अंकको पहिरो, १३ वटै समूह राताम्मे

काठमाडौं, साताको कारोबारको चौथो दिन सेयर बजारमा भारी गिरावट आएको छ । बुधबार नेप्से परिसूचक ३५ दशमलव ९२ अंकले घटेर २ हजार ५ सय ५८ दशमलव ३५ विन्दुमा झरेको छ ।

मंगलबार ५ दशमलव ३० अंकले घटेको बजारमा आज भने गिरावट थप गहिरिएको हो । नेप्से घटे पनि कारोबार रकम भने बढेको छ । मंगलबार ४ अर्ब १० करोड रुपैयाँको कारोबार भएकोमा बुधबार ४ अर्ब ७७ करोड रुपैयाँभन्दा बढीको कारोबार भएको छ ।

बुधबार ३४८ वटा स्क्रिप्सका १ करोड ३५ लाख ८२ हजार ३२० कित्ता सेयर ४ अर्ब ७७ करोड ३८ लाख ५७ हजार ६५७ रुपैयाँमा खरिदबिक्री भएका छन् ।

कारोबारमा आएका २७८ स्टक्समध्ये २५२ वटाको मूल्य घट्दा २३ वटाको मात्रै मूल्य बढेको छ । ३ वटा स्टक्सको मूल्य भने स्थिर रह्यो ।

बजारमा आएको तीव्र गिरावटसँगै १३ वटै समूहका उपसूचक राताम्मे भएका छन् ।

आज सर्वोत्तम पेन्ट्स इन्डस्ट्रिजको सेयर सकारात्मक सर्किट लेभलमा कारोबार हुँदा रसुवागढी हाइड्रोपावरको सेयर मूल्य १५ प्रतिशतले घटेको छ ।

कारोबार रकमका आधारमा चिलिमे हाइड्रोपावर शीर्ष स्थानमा रह्यो। कम्पनीको करिब २० करोड रुपैयाँको सेयर कारोबार भएको छ । सानिमा मिडल तमोर हाइड्रोपावरको १९ करोड, साहस ऊर्जाको १६ करोड, सोलु हाइड्रोपावरको १५ करोड र रिडी पावरको १२ करोड रुपैयाँ बराबरको कारोबार भएको छ ।

बुधवार, भाद्र १० २०८३०४:४८:४४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।