साउनमा ग्यासको खपत ह्वात्तै बढ्यो, ४० लाखभन्दा बढी सिलिन्डर बिक्री

मेगा खबर संवाददाता

३, भाद्र २०८३

766

साउनमा ग्यासको खपत ह्वात्तै बढ्यो, ४० लाखभन्दा बढी सिलिन्डर बिक्री

काठमाडौं, साउन महिनामा नेपालमा खाना पकाउने एलपी ग्यासको आयात तथा बिक्री ह्वात्तै बढेको छ । नेपाल आयल निगमका अनुसार साउनमा मात्रै ४० लाख ३६ हजार ३ सय ६४ सिलिन्डर बराबरको ग्यास आयात तथा बिक्री भएको छ ।

निगमले बुधबार सार्वजनिक गरेको तथ्यांक अनुसार साउनमा ५७ हजार ३ सय १६ टन ग्यास आयात तथा बिक्री भएको हो । यो अघिल्लो महिना असारको तुलनामा करिब ९ लाख सिलिन्डर बढी हो । असारमा ३१ लाख ३६ हजार ९ सय ३७ सिलिन्डर बराबर ग्यास आयात तथा बिक्री भएको थियो । साउनमा माग बढेसँगै ग्यासको बिक्रीसमेत उल्लेख्य रूपमा बढेको निगमको तथ्यांकले देखाएको छ ।

यसअघि चैत २०८२ मा २७ लाख ३२ हजार ३ सय ५५ सिलिन्डर बराबर ग्यास आयात तथा बिक्री भएको थियो । वैशाखमा यो घटेर २२ लाख ५७ हजार ४ सय ९६ र जेठमा २३ लाख १२ हजार ८ सय ३७ सिलिन्डरमा सीमित भएको थियो ।

त्यसपछि भने ग्यासको माग निरन्तर बढ्दै गएको देखिन्छ । साउनमा आइपुग्दा बिक्री ४० लाखभन्दा माथि पुगेको हो ।

निगमले आगामी दिनमा ग्यासको आयात अझै बढ्ने जनाएको छ । त्यसैले उपभोक्तालाई आवश्यकताअनुसार मात्रै ग्यास खरिद गर्न र अनावश्यक रूपमा भण्डारण नगर्न आग्रह गरेको छ ।

बुधवार, भाद्र ३ २०८३०५:५२:२६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।