अब दूध किसानले २५ दिनभित्रै भुक्तानी पाउने

मेगा खबर संवाददाता

२, भाद्र २०८३

448

अब दूध किसानले २५ दिनभित्रै भुक्तानी पाउने

काठमाडौँ, दूध किसानले अब दूध बिक्री गरेको २५ दिनभित्रै भुक्तानी पाउने भएका छन् । कृषि तथा वन पर्यावरणमन्त्री गीता चौधरीले भदौको अन्तिम सातादेखि किसानको भुक्तानी अवधि २५ दिनमा झार्ने तयारी भइरहेको जानकारी दिएकी छन् ।

मङ्गलबार प्रतिनिधि सभा बैठकमा सांसद निष्कल राईले सोधेको प्रश्नको जवाफ दिँदै मन्त्री चौधरीले विगतमा ८ महिनासम्म भुक्तानी नपाउने अवस्था रहेकामा अहिले त्यसलाई ३ महिनामा झारिएको दाबी गरिन् ।

उनका अनुसार पछिल्लो ३ महिनामा किसानलाई ६० करोड रुपैयाँ भुक्तानी गरिएको छ । भदौ १ गतेसम्म २३६ वटा सहकारी संस्थालाई ३५ करोड रुपैयाँ भुक्तानी गर्न बाँकी रहेको उनले बताइन् ।

हाल दुग्ध विकास संस्थान (डीडीसी)सँग १५० मेट्रिकटन दूध पाउडर र १२० मेट्रिकटन नौनी मौज्दात रहेको छ । खाडी मुलुक र चीनमा घ्यु निर्यातका लागि समेत तयारी भइरहेको मन्त्री चौधरीले जानकारी दिइन् ।

मंगलवार, भाद्र २ २०८३०३:२६:०९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।