सिंहदरबारमै सुपथ मूल्यको बिक्री कक्ष, देशभर १९३ ठाउँमा पसल खुल्दै

मेगा खबर संवाददाता

२७, श्रावण २०८३

586

सिंहदरबारमै सुपथ मूल्यको बिक्री कक्ष, देशभर १९३ ठाउँमा पसल खुल्दै

काठमाडौँ, खाद्य व्यवस्था तथा व्यापार कम्पनीले सिंहदरबार परिसरमै आफ्ना उत्पादन बिक्री गर्ने भएको छ । कम्पनीको सातौँ वार्षिकोत्सवको अवसर पारेर बिहीबारदेखि सिंहदरबारमा बिक्री कक्ष सञ्चालनमा ल्याउन लागिएको हो ।

बिक्री कक्षको उद्घाटन बिहीबार उद्योग,वाणिज्य तथा आपूर्तिमन्त्री गौरी कुमारीले गर्ने कार्यक्रम छ । कम्पनीका सूचना अधिकारी माधव मिश्रका अनुसार सिंहदरबारभित्र सञ्चालन हुने बिक्री कक्षबाट उपभोक्ताले कम्पनीका खाद्यान्न तथा अन्य उत्पादन सर्वसुलभ मूल्यमा खरिद गर्न सक्नेछन् ।

कम्पनीले चामल,दाल,तेल,चिनी र नुनसँगै स्थानीय उत्पादन चिनो,कागुनो,फापर,सिमीलगायत खाद्यवस्तु बिक्री गर्दै आएको छ ।

बिहीबारदेखि देशभर सुपथ मूल्य पसल

यसैबीच,कम्पनीले बिहीबारदेखि देशभर सुपथ मूल्य पसल पनि सञ्चालन गर्ने भएको छ । ४४ जिल्लाका १९३ स्थानमा सञ्चालन हुने सुपथ मूल्य पसलमा उपभोक्ताले दैनिक उपभोग्य वस्तु खरिद गर्दा प्रतिकिलो तथा प्रतिलिटर ५ रुपैयाँ छुट पाउनेछन् ।

कम्पनीले सुपथ मूल्य पसलमार्फत उपभोक्तालाई दैनिक आवश्यक खाद्यवस्तु सहज र तुलनात्मक रूपमा सस्तो मूल्यमा उपलब्ध गराउने जनाएको छ ।

बुधवार, श्रावण २७ २०८३०४:५३:३८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।