ग्यास लुकाए कडा कारबाही, कालोबजारी नियन्त्रणमा सरकारको चेतावनी

मेगा खबर संवाददाता

२२, श्रावण २०८३

301

ग्यास लुकाए कडा कारबाही, कालोबजारी नियन्त्रणमा सरकारको चेतावनी

काठमाडौं, सरकारले एलपी ग्यास लुकाउने, कृत्रिम अभाव सिर्जना गर्ने तथा तोकिएको मूल्यभन्दा बढीमा बिक्री गर्ने विक्रेता र डिपोमाथि कडा कारबाही गर्ने चेतावनी दिएको छ ।

वाणिज्य, आपूर्ति तथा उपभोक्ता संरक्षण विभागले सूचना जारी गर्दै ग्यासमा कालोबजारी वा गैरकानुनी कारोबार गरेको पाइए प्रचलित कानुन अनुसार हदैसम्मको कारबाही हुने जनाएको हो ।

पछिल्लो समय सहज रूपमा ग्यास नपाएको तथा बढी मूल्य तिर्नुपरेको उपभोक्ताको गुनासो बढेपछि विभागले बजार अनुगमन तीव्र बनाएको जनाएको छ । ग्यास लुकाएर आफू निकटका व्यक्ति, होटल तथा व्यवसायीलाई मात्र बिक्री गर्ने गरेको उजुरीसमेत विभागमा परेको छ ।

विभागले ग्यासजस्तो अत्यावश्यक वस्तु तोकिएको मूल्यमा सहज रूपमा उपलब्ध गराउनु विक्रेताको दायित्व र उपभोक्ताको अधिकार भएको जनाएको छ ।

कानुनविपरीत ग्यास बिक्री वा कालोबजारी भएको थाहा पाएमा नजिकको प्रहरी कार्यालय, जिल्ला प्रशासन कार्यालय वा विभागको टोल फ्री नम्बर ११३७ मा उजुरी गर्न सकिनेछ ।

विभागका अनुसार बजारमा ७.१ किलोको सट्टा १४.२ किलोको ग्यास वितरण हुन थालेपछि केही समय वितरण प्रणालीमा समेत असहजता देखिएको छ ।

शुक्रवार, श्रावण २२ २०८३०२:३२:०६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।