निगमको दाबी– ग्यास अभाव होइन, सिलिण्डर परिवर्तनले अस्थायी समस्या

मेगा खबर संवाददाता

१६, श्रावण २०८३

559

निगमको दाबी– ग्यास अभाव होइन, सिलिण्डर परिवर्तनले अस्थायी समस्या

खाना पकाउने एलपी ग्यासको बिक्रीलाई व्यवस्थित बनाउन नेपाल आयल निगमले टेकुस्थित कार्यालयबाट नेपाल,एचपी,एभरेष्ट, सुगम र श्रीराम ग्यासका १४.२ किलोका सिलिण्डर बिक्री सुरु गरेको छ । बिक्री बिहान ११ बजेदेखि अपराह्न ५ बजेसम्म हुनेछ ।

निगमका अनुसार जुलाईमा करिब ४९ हजार मेट्रिकटन ग्यास आयात भएको छ भने साउन १ देखि १५ गतेसम्म २६.५ हजार मेट्रिकटन ग्यास आयात गरिएको छ । ७.१ किलोबाट १४.२ किलो सिलिण्डरमा परिवर्तन भएकाले अस्थायी समस्या देखिएको र एक साताभित्र आपूर्ति सहज हुने दाबी गरिएको छ ।

उपभोक्ताले भने काठमाडौं उपत्यकासहित विभिन्न स्थानमा ग्यास अभावको गुनासो गरिरहेका छन् । अधिकांश बिक्रेताले उद्योगबाट ग्यास नआएको भन्दै उपभोक्तालाई फर्काइरहेका छन् ।

नेपाल आयल निगमले आवश्यकताअनुसार मात्रै ग्यास खरिद गर्न,अनावश्यक भण्डारण नगर्न तथा ग्यास नपाए हटलाइनमा सम्पर्क गर्न आग्रह गरेको छ । साथै उद्योगी र बिक्रेतालाई घरायसी उपभोक्तालाई प्राथमिकता दिई बिक्री व्यवस्थित गर्न निर्देशन दिएको छ ।

शनिवार, श्रावण १६ २०८३०५:२३:०२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।