लगातार चौथो दिन पनि घट्यो नेप्से, कारोबार रकम ३.३८ अर्बमा सीमित

मेगा खबर संवाददाता

१४, श्रावण २०८३

928

लगातार चौथो दिन पनि घट्यो नेप्से, कारोबार रकम ३.३८ अर्बमा सीमित

काठमाडौं, साताको लगातार चौथो कारोबार दिन बिहीबार पनि नेपाल स्टक एक्सचेन्ज (नेप्से) परिसूचक घटेको छ । आज नेप्से १६.२९ अंकले घटेर २६७२ अंकमा कायम भएको छ । यससँगै साताको चार कारोबार दिनमै नेप्से कुल ६२ अंकले ओरालो लागेको छ ।

बजारसँगै कारोबार रकम पनि घटेको छ । अघिल्लो दिन ४ अर्ब २ करोड रुपैयाँको कारोबार भएकोमा बिहीबार ३ अर्ब ३८ करोड रुपैयाँमा सीमित रह्यो । आज ५९ कम्पनीको सेयर मूल्य बढ्दा २०६ कम्पनीको मूल्य घट्यो भने ११ कम्पनीको मूल्य स्थिर रह्यो । सबै समूहगत परिसूचक राताम्मे हुँदा विकास बैंक र जलविद्युत् समूहमा एक प्रतिशतभन्दा बढी गिरावट देखियो ।

एभरेस्ट कलरको सेयर मूल्य १५ प्रतिशतले बढेर प्रतिकित्ता १,१३८ रुपैयाँ पुगेको छ। सेन्ट्रल फाइनान्स, शुभम् पावर र तारागाउँ रिजेन्सी पनि बढ्ने कम्पनीमा रहे । यता कालिन्चोक हाइड्रोपावरको सेयर मूल्य १५ प्रतिशतले घट्दा कर्पोरेट डेभलपमेन्ट बैंक, सोलु हाइड्रोपावर र रिजलाइन इनर्जीका लगानीकर्ताले पनि उल्लेख्य गिरावट बेहोरे ।

कारोबार रकमका आधारमा रिलायन्स स्पिनिङ मिल्स, कर्पोरेट डेभलपमेन्ट बैंक, रिडी पावर, खानीखोला हाइड्रोपावर, आँखुखोला जलविद्युत् र सेन्ट्रल फाइनान्स सबैभन्दा बढी कारोबार भएका कम्पनी बने ।

बिहिवार, श्रावण १४ २०८३०४:२६:१२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।