नेप्सेमा लगातार दोस्रो दिन गिरावट, कारोबार रकम पनि खुम्चियो

मेगा खबर संवाददाता

१२, श्रावण २०८३

943

नेप्सेमा लगातार दोस्रो दिन गिरावट, कारोबार रकम पनि खुम्चियो

काठमाडौं, नेपाली सेयर बजारमा लगातार दोस्रो कारोबार दिन पनि गिरावट आएको छ । मंगलबार नेप्से परिसूचक ४.६४ अंकले घटेर २,६९६।४६ बिन्दुमा कायम भएको छ । अघिल्लो कारोबार दिन बजार ३३।२८ अंकले घटेको थियो ।

दिनभर बजारमा उतारचढाव देखिएको थियो । कारोबारको क्रममा दिउँसो १२:१० बजे नेप्से २,६८१ बिन्दुसम्म झरेको भए पनि अन्त्यमा केही सुधार हुँदै २,६९६ बिन्दुमा बन्द भयो ।

कारोबार रकम पनि घटेको छ । अघिल्लो दिन ६ अर्ब ७ करोड रुपैयाँ बराबरको कारोबार भएकोमा मंगलबार ४ अर्ब ४२ करोड रुपैयाँमा सीमित रह्यो ।

आज ९९ कम्पनीको सेयर मूल्य बढ्दा १६५ कम्पनीको घट्यो भने १३ कम्पनीको मूल्य स्थिर रह्यो । अधिकांश समूहगत सूचक सामान्य उतारचढावमै रहे । फाइनान्स,होटल तथा पर्यटन,व्यापार र जलविद्युत् समूहमा हरियाली देखिए भने बैंकिङ, विकास बैंक,लगानी,जीवन बीमा,उत्पादन तथा प्रशोधन,माइक्रोफाइनान्स,निर्जीवन बीमा र अन्य समूहमा गिरावट आयो ।

हालै सूचीकृत एभरेस्ट कलरको सेयर मूल्य १५ प्रतिशतले बढेर सबैभन्दा धेरै लाभ कमाउने कम्पनी बन्यो। याम्बलिङ हाइड्रोपावर,सिर्जनशील लघुवित्त र सानीगढ हाइड्रोपावरको मूल्य पनि उल्लेख्य रूपमा बढ्यो ।

यता, कुथेली बुखरी स्मल हाइड्रोपावर,धौलागिरि लघुवित्त र पञ्चकन्या माई हाइड्रोपावरको सेयर मूल्यमा सबैभन्दा बढी गिरावट देखियो ।

कारोबार रकमका आधारमा सेन्ट्रल फाइनान्स,रिडी पावर, सोलु हाइड्रोपावर,ग्लोबल आईएमई बैंक र रिलायन्स स्पिनिङ मिल्स सर्वाधिक कारोबार हुने कम्पनीमा परेका छन् ।

लगातार दोस्रो दिन बजारमा गिरावट आए पनि केही कम्पनीमा लगानीकर्ताको आकर्षण कायम रहेको देखिएको छ ।

मंगलवार, श्रावण १२ २०८३०४:३७:२२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।