लगातार छैटौं दिन घट्यो सेयर बजार, सबै सूचक ओर्लिए

मेगा खबर संवाददाता

१५, आषाढ २०८३

502

लगातार छैटौं दिन घट्यो सेयर बजार, सबै सूचक ओर्लिए

काठमाडौँ,साताको पहिलो कारोबार दिन नेप्से परिसूचक घटेर बन्द भएको छ ।

सोमबार नेप्से परिसूचक १६.५४ अंकले घटेर २ हजार ६३२.९६ विन्दुमा झरेको छ । उद्योग,वाणिज्य तथा आपूर्ति मन्त्रालयले ल्याउन लागेको कम्पनी ऐन,२०८३’ को मस्यौदामा २५ लाख रुपैयाँभन्दा बढी मूल्यको सेयर हस्तान्तरणमा १ प्रतिशत हस्तान्तरण शुल्क लाग्ने प्रस्तावले बजार वृद्धि हुन सकेन । पुँजीबजार लगानीकर्ताहरू २५ लाख रुपैयाँभन्दा बढी मूल्यको सेयर हस्तान्तरणमा थप १ प्रतिशत व्ययभार थपिने आशकामा अन्योलसँगै तरङ्गित बनाएको देखिन्छ । उक्त व्यवस्था विषयमा लगानीकर्ताहरूले चौतर्फी विरोध गरेका थिए ।

त्यस्तै, सोमबार सेन्सेटिभ इण्डेक्स १.८४ अंकले घटेको छ भने फ्लोट इण्डेक्स १.०२ अंक र सेन्सेटिभ फ्लोट इण्डेक्स ०.५८ अंकले घटेको छ । नेप्सेसँगै कारोबार रकम पनि घटेको छ । ३५१ कम्पनीको ७६ लाख ९९ हजार कित्ता सेयर २ अर्ब ६७ करोड १८ लाख ३२ हजार रुपैयाँ बराबरको खरिद बिक्री भएको छ ।

गत शुक्रबार ३ अर्ब ९४ करोड रुपैयाँ बराबरको सेयर खरिद बिक्री भएको थियो । सोमबार १३ वटै उपसमूहको परिसूचक घटेको छ । जसमध्ये निर्जीवन बिमा उपसमूहको परिसूचक १।३९ प्रतिशत घटेको छ । वित्त, होटल तथा पर्यटन र उत्पादन तथा प्रशोधन उपसमूहको परिसूचक १ प्रतिशतभन्दा बढी घटेको छ ।
नेप्से १६.५४ अंकले बजार घटे पनि चार स्टकको सेयर सकारात्मक सर्किट लेभलमा कारोबार भएको छ । टक्सार पिखुवा खोला हाइड्रोपावर, याम्बालिङ्ग हाइड्रोपावर, स्नो रिभर्स र धौलागिरि लघुवित्त वित्तीय संस्थाको सेयर सकारात्मक सर्किट लेभलमा कारोबार भएको छ । तर यता स्वाभिमान लघुवित्त वित्तीय संस्थाको सेयर भने ५.८३ प्रतिशतले घटेको छ ।

सोमवार, आषाढ १५ २०८३०३:४९:५६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।