काठमाडौँ,  दुब्लोपातलो व्यक्तिहरू खास गरी स्वास्थ्यमा अलिक धेरै ध्यान दिन थाल्छन् । जाडोमा शरीरको मेटाबोलिज्म अलि सुस्त हुन्छ । शरीरलाई थप ऊर्जा चाहिन्छ । दुब्लो÷पातलोपनसँग जुधिरहनुभएको छ । जाडोमा  तौल बढाउन चाहनुहुन्छ भने शरीरमा मासु बढाउन र कमजोरी हटाउन आफ्नो आहारमा तपाईंले केही विशेष चीजहरू समावेश गर्नुपर्छ ।

सख्खर र तिल

जाडो मौसममा सख्खर र तिललाई उत्तम आहार मानिन्छ । तिल र सख्खरको मिश्रणले शरीरलाई न्यानो त प्रदान गर्छ नै तौल बढाउन पनि मद्दत गर्छ । तिलको दानामा राम्रो मात्रामा प्रोटिन,क्याल्सियम र भिटामिन पाइन्छ । यसले शरीरको मांसपेशीलाई मजबुत बनाउँछ । सख्खरले शरीरलाई भित्रैबाट तातो बनाउँछ र पाचनमा सुधार गर्दछ । यी दुई चिजलाई सँगै खाँदा शरीरमा ऊर्जा मिल्छ र मांसपेशीको विकास हुन्छ ।

घिउ र दूध

जाडोमा दूध र घ्यूको सेवनले शरीरलाई पर्याप्त मात्रामा बोसो र क्यालोरी मिल्छ । यी दुवै तौल बढाउन जरुरी चिज हुन् । घ्यूमा एन्टिअक्सिडेन्ट र स्वस्थ बोसो हुन्छ, जसले शरीरको वृद्धि र मांसपेशी निर्माणमा मद्दत गर्छ । दूधमा क्याल्सियम र प्रोटिन पाइन्छ । जसले हड्डीलाई बलियो बनाउँछ र शरीरलाई पोषण दिन्छ । यी दुवै पदार्थले जाडोमा शरीरलाई न्यानो पनि दिन्छ ।

कसरी खाने ?

जाडोमा तिल र सख्खरलाई लड्डु बनाएर खान सकिन्छ । यसको मिश्रणलाई बिहानको खाजामा पनि खान सकिन्छ । यो खाँदा शरीरमा शक्ति बढ्छ र तौल वृद्धिमा पनि सघाउँछ ।

कसरी खाने ?

हरेक रात सुत्नुअघि एक गिलास मनतातो दूधमा एक चम्चा घ्यु मिसाएर पिउनाले शरीरलाई पर्याप्त पोषण मिल्छ र तौल बढ्छ ।

मुनाक्का र किसमिस

मुनक्का र किसमिस दुवै शरीरका लागि निकै फाइदाजनक हुन्छन् । यसको सेवनले शरीरले शक्ति त पाउँछ नै पेटको कमजोरीलाई पनि हटाउँछ । मुनक्कामा राम्रो मात्रामा आइरन, फाइबर र क्याल्सियम पाइन्छ, जसले एनिमिया (रक्त अल्पता) हटाउन मद्दत गर्छ । किसमिसमा ऊर्जा दिने तत्त्वहरू पाइन्छ । जसले शरीरलाई ऊर्जावान् राख्छ र तौल बढाउन मद्दत गर्छ । कसरी खाने ?

सुत्ने बेलामा मुनक्का र किसमिसलाई पानीमा भिजाएर राख्नुस्  । बिहान उठ्ने बित्तिकै यो पानी पिउनुस् । यो पानीले शरीरलाई ऊर्जा मिल्छ र मांसपेशीको विकासमा पनि मद्दत गर्छ ।

यी कुरालाई ध्यानमा राख्नुस्-

सन्तुलित आहार :

तौल बढाउनका  लागि माथि बताइएका तीन कुरामा मात्रै भर नपर्नुहोला । हरेक दिन खानामा प्रोटिन, कार्बोहाइड्रेट, फ्याट र फाइबर सही मात्रामा भएको सन्तुलित आहार पनि खानुहोस् ।

पर्याप्त मात्रामा पानीको सेवन

जाडोमा पानी पिउने बानी बसाल्नुस्, ताकि शरीरमा पानीको कमी नहोस् र पाचन क्रिया ठिक होस् ।

व्यायाम 

तौल बढाउन उचित व्यायाम गर्नुहोस् । हरेक दिन व्यायाममा मांसपेशीहरू बनाउन तौल उठाउने जस्ता गतिविधिहरू पनि गर्नुहोस् ।