- TRENDING NOW :
काठमाडौं। १० महिनादेखि बन्धक एक बालिका र दुई नेपाली महिलालाई भारतबाट उद्धार गरी ल्याइएको छ।
आफन्त नेपाल संस्थाको पहलमा बेचबिखन हुन लागेका उनीहरूलाई उद्धार गरिएको हो।
नवलपरासी पश्चिमस्थित आफन्त नेपाल महेशपुर शाखाले नेपाल र भारतीय प्रहरी तथा स्थानीय जनप्रतिनिधिको सहयोगमा भारतको महाराजगञ्जस्थित एक आर्केष्टा कम्पनीबाट उनीहरूलाई उद्धार गरी नवलपरासी ल्याएको हो।चितवनका २२, १७ र ४ वर्षका उनीहरूलाई उद्धार गरी सुरक्षित रुपमा नेपाल ल्याइएको संस्थाकी शाखा प्रमुख पद्मा आचार्यले जानकारी दिएकी छिन् ।
जागिर तथा विवाहको प्रलोभनमा परी उनीहरू भारत पुगेका थिए। त्यहाँ पुगेको केही महिनापछि आर्केष्टा कम्पनीका मालिकले आफूहरूलाई बेचबिखन गर्न लागेको थाहा पाएपछि प्रतिकार गरी परिवारलाई जानकारी गराएको उद्धार गरिएका युवतीले बताएका छन्।
उद्धार गरिएकामध्ये २२ वर्षीया महिलालाई भारतमै काम गर्दै आएकी उनकी बहिनीको मोबाइलबाट एक व्यक्तिले विवाह गर्छु भनी बोलाएका थिए। तर, उनकी बहिनी अहिले बेपत्ता छिन्।
अर्की एक युवतीलाई पनि जागिर लगाईदिने प्रलोभन देखाएर बोलाएको तर एक महिनापछि भारतको विहारका तीनजना व्यक्तिलाई एक लाख रूपैयाँमा बिक्री गर्न लागेपछि आफूहरूले प्रतिकार गरेको भनी युवतीले बयान दिएको आफन्त नेपाल महेशपुरकी प्रमुख आचार्यले बताइन्।
४ वर्षीया बालिका भने २२ वर्षीया महिलाकी छोरी हुन्।
विदेशमा रहेका आफ्नो दाजुलाई फोनमार्फत् जानकारी गराएपछि युवतीका आफन्तहरूले चितवनस्थित आफन्त नेपालको माडी शाखामा खोजतलासका लागि निवेदन दिएपछि खोजी कार्य सुरु भएको थियो।
मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।
मेगा सञ्चार प्रा. लि.
बुढानिलकण्ठ–१२, काठमाडौं
सम्पर्क: ०१–४८२१९२२, ९८५११३१७५०
email: megakhabarnepal@gmail.com
सञ्चार रजिष्ट्रारको कार्यालय,
बागमती प्रदेश दर्ता नं: ०००२०–०७६/७७
प्रेस काउन्सिल सूचिकृत नं.: ११६०–०७६/७७
अध्यक्ष/प्रकाशक: राजकुमार आचार्य
सम्पादक: यूर्वशी पौडेल
सह-सम्पादक: माधव लम्साल
सम्वाददाता: शान्ता आचार्य
जिबन सापकोटा
सन्तोष पान्डे
विपिन सापकोटा
परितोश गाैतम
सुजित महरा
उज्जल लामा
सुजता घिमिरे
रजिना कार्कि
केशरि बि.क
मल्टिमिडिया: निरज खड्का
सुदिप थापा
सल्लाहकारः छविरमण आचार्य
.png)
