डेंगीका कारण हालसम्म २९ जनाको मृत्यु, संक्रमितको संख्या २२ हजारभन्दा बढी

मेगा खबर संवाददाता

८, आश्विन २०७९

1.1K

डेंगीका कारण हालसम्म २९ जनाको मृत्यु, संक्रमितको संख्या २२ हजारभन्दा बढी

काठमाडाैँ,

डेंगीका कारण हालसम्म २९ जनाको मृत्यु भएको छ भने संक्रमितको संख्या २२ हजार नाघेको छ ।

इपिडिमियोलोजी तथा रोग नियन्त्रण महाशाखाको तथ्यांक अनुसार संक्रमितको संख्या २ हजार ९ सय ८८ पुगेको हो। संक्रमितमध्येमा सबैभन्दा बढी काठमाडौंमा छन् । काठमाडौंले संक्रमितको संख्यामा ललितपुरलाई उछिनेको छ ।

काठमाडौंमा ७ हजार ३८०, ललितपुरमा ५ हजार ५८५, मकवानपुरमा २ हजार १३५, दाङमा २ हजार २७८ र भक्तपुरमा १ हजार ५० मा संक्रमण पुष्टि भएको छ । महाशाखाका अनुसार १० जिल्लामा मात्रै १९ हजार ७ सय २७ डेंगीबाट संक्रमित छन् ।

प्रदेश १ मा ५ सय ९१, मधेसमा ३ सय २३, वाग्मतीमा १७ हजार ७ सय ३१, गण्डकीमा ५ सय १५, लुम्बिनीमा २ हजार ८ सय २१, कर्णालीमा ३ सय ३० र सुदूरपश्चिममा ७ सय ७७ जनामा डेंगी भेटिएको छ ।

देशभर डेंगी संक्रमण बढ्दो क्रममा रहेपछि महाशाखाले राष्ट्रव्यापी प्रकोप घोषणा गरिसकेको छ ।

शनिवार, आश्विन ८ २०७९०८:३३:२८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।