माओवादी केन्द्रका लाक्पा तामाङको सहयोगमा सञ्चालन हुने भयो जलदेवी माविमा कोचिङ

मेगा खबर संवाददाता

१०, पौष २०७८

2.4K

माओवादी केन्द्रका लाक्पा तामाङको सहयोगमा सञ्चालन हुने भयो जलदेवी माविमा कोचिङ

नेकपा माओवादी केन्द्रका समाजसेवी युवा नेता जुगल ७ निवासी लाक्पा तामाङको सहयोगमा जुगल गाउँपालिका वडा नं ७ स्थित रहेको जल देवी माध्यमिक बिद्यालयमा अध्ययनरत कक्षा १० को बिद्यार्थीहरुलाई कोचिङ सञ्चालन गर्ने भएको छ ।

जुगल ७ निवासी तामाङले आफ्नो व्यक्तिगत खर्च रु पचास हजार आर्थिक सहयोगमा आउदै गरेको यस वर्षको एस।ई।ई परिक्षा सहज र शिक्षाको स्तर बढाउने उद्देश्यले कोचिङ सञ्चालन गर्न लागेको हो ।

यस कार्यका लागि शिक्षक अभिभावक संघ र शिक्षकहरुको संयुक्त बैठक मार्फत छलफल गरी आगामी माघ २ गते देखि १ महिना कोचिङ कक्षा संचालनका लागि आवश्यक भुमिका निभाउन बिद्यालयको शिक्षक राजकुमार लामिछानेको जिम्मेवारी दिइएको छ ।

तामाङले भने म विद्यालयको अभिभावक संघको अध्यक्ष पनि भएकोले बिद्यालयमा आइपर्ने हरेक समस्यालाई सकेसम्म आफ्नै तवरबाट समाधान गरिरहेको र विगतका वर्षहरुदेखि नै कोचिङ कक्षा संचालन लगायतका शैक्षिक स्तरोन्नतिको विषयमा सोचिरहेको भएपनि यस पटक अगाडि बढेर यस कार्यलाई मुर्तरुप दिने अवसर जुरेको बताए ।

शिक्षाप्रेमी तामाङको यस उदाहरणीय कार्यमा बिद्यालय परिवारले पनि चासो दिएर साथ दिने भएको छ किनकी यस्ता शैक्षिक स्तरोन्नतिका विषयमा गम्भीर भएर ब्यक्तिगत रुपमा पहिलो पटक निस्वार्थ भावनाले त्यो पनि बिद्यालय परिवारकै सदस्यबाट भएको हुँदा सकारात्मक रुपले लिइएको छ ।

यस कोचिङ कक्षा संचालनले जुगल ७ का याङलाकोट,धुर्जगाउँ,चम्बोटे,दलितटोल,कलंसा,पेप्टा तिनघारे र सेर्माथान टोल लगायत लगायत छिमेकी वडाका समेत एस,ई,ई,मा सहभागी हुने विद्यार्थीहरु लाभान्वित हुने देखिन्छ ।

शनिवार, पौष १० २०७८०६:२८:४६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।