बूढानीलकण्ठ स्कुलमा छात्रवृत्तिमा अध्ययनको लागि आवेदन खुला (सूचनासहित)

मेगा खबर संवाददाता

२१, श्रावण २०७८

26.9K

बूढानीलकण्ठ स्कुलमा छात्रवृत्तिमा अध्ययनको लागि आवेदन खुला (सूचनासहित)

काठमाडाै, बूढानीलकण्ठ स्कुलमा गरिब तथा जेहेन्दार बालबालिकालाई छात्रवृत्तिमा अध्ययनको अवसर दिनेगरी आवेदन खुला गरेको छ ।

बूढानीलकण्ठ स्कुल तथा साझेदारी कार्यक्रम अन्तरगत शिक्षा मन्त्रालयले प्रकाशित गरेको सूचना अनुसार कक्षा ५ देखि अध्ययनको लागि २०६७ वा ०६८ सालमा जन्म भइ कम्तीमा २ वर्ष अघिदेखि स्थानीय सामुदायिक विद्यालयमा नियमित रुपमा अध्ययन गरी शैक्षिक सत्र २०७७ मा कक्षा ४ अध्ययन पुरा गरेका छात्र–छात्राले आवेदन दिन भने सक्नेछन् ।

आवेदनपछि छनौटमा परेकाले निःशुल्क वा सहुलियत शुल्कमा अध्ययनको अवसर त्यस्ता छात्रछात्राले पाउनेछन् ।
इच्छुक उम्मेदवारले स्कुल वा शिक्षा विभागको वेबसाइटबाट फाराम डाउनलोड गरी आफूलाई पायक पर्ने परीक्षा केन्द्रमा परीक्षा सुरु हुनु अगावै बुझाउनुपर्नेछ ।

परीक्षा मिति साउन ३० गते शनिबार ११ बजेका लागि तोकिएको विद्यालयका प्राचार्य होमनाथ आचार्यले बताए । परीक्षा केन्द्र इलाम, विराटनगर, हिले (धनकुटा), गाईघाट (उदयपुर), राजविराज, जनकपुर, लालबन्दी, कलैया, खुर्कोट, दोलालघाट, हेटौंडा, गोरखा, बेसीसहर, पोखरा, बेनी, बुटवल, घोराही, नेपालगन्ज, वीरेन्द्रनगर, चौरजहारी, जुम्ला, अत्तरिया र डडेलधुरामा चयन गरिएको छ । काठमाडौंको हकमा बूढानीलकण्ठ स्कुलमै परीक्षा केन्द्र तय गरेको छ ।

कार्यक्रम अनुसार जिल्ला नदोहोरिने गरी ७७ जना छनौट हुने सूचनामा उल्लेख गरिएको छ ।

No description available.

बिहिवार, श्रावण २१ २०७८०३:५३:४०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।