विषयगत शिक्षक व्यवस्थापन गर्दा अनिवार्य रुपमा पालना गर्न स्थानीय तहलाई निर्देशन

मेगा खबर संवाददाता

३१, आषाढ २०७८

1.9K

विषयगत शिक्षक व्यवस्थापन गर्दा अनिवार्य रुपमा पालना गर्न स्थानीय तहलाई निर्देशन

काठमाडाै, शिक्षा तथा मानव स्रोत विकास केन्द्रले विषयगत शिक्षक व्यवस्थापन गर्दा विषयगत प्राथमिकताको क्रम अनिवार्य रुपमा पालना गर्न स्थानीय तहलाई निर्देशन दिएको छ ।

केन्द्रको शिक्षक व्यवस्थापन समन्वय शाखाले सूचना जारी गर्दै शिक्षक दरबन्दी मिलान गर्दा विषयगत प्राथमिकताको क्रम पालना गर्न–गराउन निर्देशन दिइएको छ । शिक्षक दरबन्दी मिलान तथा व्यवस्थापन कार्यविधि, २०७६ अनुसार दरबन्दी मिलानको क्रममा कुनै एक विद्यालयबाट दरबन्दी कट्टा भई अर्को सामुदायिक विद्यालयमा दरबन्दी थप भएमा शिक्षक सरुवा हुन पाउने व्यवस्था छ ।

सामुदायिक विद्यालयमा कुनै कारणवश आधारभूत तहको कक्षा ६ देखि ८ र माध्यमिक तहको शिक्षक दरबन्दी रिक्त भएमा शिक्षा नियमावली (संशोधन सहित) २०५९, को नियम ९२ को अनुसूची १२ मा उल्लेख गरिए अनुसारकै विषयगत प्राथमिकताको क्रम अनिवार्य रुपमा पालना गरी शिक्षक व्यवस्थापन गर्न–गराउन केन्द्रले स्थानीय तहलाई निर्देशन दिएको हो ।

केन्द्रले १२ हजार ८ सय दरबन्दी मिलान गर्नुपर्नेमा हालसम्म ९ हजार २ सय शिक्षक दरबन्दी मिलान गरिसकेको जनाएको छ। केन्द्रले जिल्लाभित्रकै स्थानीय तहमा बढी भएका ठाउँबाट कटौती गरेर आवश्यक ठाउँमा थप गरेर दरबन्दी मिलान गरिएको केन्द्रका निर्देशक वसन्त कोइरालाले जानकारी दिए । दरबन्दी मिलानको क्रममा मनाङ, मुस्ताङ, तनहुँ र काठमाडौंमा दरबन्दी कट्टा गरिएको छ भने नवलपरासी, वाग्लुङ, सिन्लीमा दरबन्दी थप गरिएको केन्द्रले जनाएको छ ।

बिहिवार, आषाढ ३१ २०७८०३:४९:०३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।