बारामा चट्याङ लागेर मृत्यु भएका परिवारलाई प्रदेश सरकारले जनही १ लाख दिने

मेगा खबर संवाददाता

१८, आषाढ २०७७

2.3K

बारामा चट्याङ लागेर मृत्यु भएका परिवारलाई प्रदेश सरकारले जनही १ लाख दिने

रौतहट । प्रदेश २ सरकारले बारामा चट्याङ लागेर मृत्यु भएका परिवारलाई जनही एक एकलाख रुपैया सहयोग गर्ने घोषणा गरेको छ । प्रदेश २ का भौतिक पूर्वाधार विकासमन्त्री जितेन्द्र सोनलले चट्याङ पीडित परिवारलाई एक–एकलाख रुपैयाँ सहयोग गर्ने घोषणा गरेका हुन् । साथै चट्याङ लागेर घाइते भएका सबैको उपचार खर्च प्रदेश सरकारले दिने मन्त्री सोनलले बताए ।

बिहिवार बिहान परेको वर्षासँगै बाराको कलैया नगरक्षेत्र अन्तरगतका २ जना महिलाको खेतमा धान रोपाइँ गर्न गएको समयमा चट्याङ लागेर मृत्यु भएको थियो । त्यसैगरी फेंटा गाउँमा घरमाथि चट्याङ खस्दा २ महिला गरि ४ जनाको मृत्यु भएको थियो । चट्याङ लागेर १० जना घाइते भएका छन् ।

फेंटा गाउँपालिकाको ७ जना, कलैयाको २ जना र सुवर्ण गाउँपालिकाको १ जना गरी १० जना चट्याङ लागेर घाइते भएको बारा प्रहरी प्रवक्ता डिएसपी गौतम मिश्रले जानकारी दिए । घाइतेमध्ये एकजना गम्भिर र अन्य सामान्य अवस्थामा रहेका छन् । घाइते ७ जनाको वीरगञ्ज र ३ जनाको कलैया अस्पतालमा उपचार भैइरहेको जिल्ला प्रहरी कार्यालय बाराले जनाएको छ ।

बिहिवार, आषाढ १८ २०७७०१:०७:५१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।