विद्यालयमा बन्दुकधारीकाे आक्रमण, सयाैँ छात्राकाे अपहरण गरिएकाे आशङ्का

मेगा खबर संवाददाता

१४, फाल्गुण २०७७

1.5K

विद्यालयमा बन्दुकधारीकाे आक्रमण, सयाैँ छात्राकाे अपहरण गरिएकाे आशङ्का

काठमाण्डाै, नाइजेरियाको उत्तर–पश्चिमी जाम्फारा राज्यका सयौँ स्कुले छात्रा अपहरणमा परेकाे आशङ्का गरिएको छ ।

शुक्रवार बिहान बन्दुकधारीहरूले एक विद्यालयमा आक्रमण गरेपछि झण्डै तीन सय छात्राको बारेमा अहिलेसम्म कुनै जानकारी प्राप्त नभएको एक शिक्षकले बताएको बीबीसीमा उल्लेख गरिइएको छ ।

बन्दुकधारीले स्थानीय समय अनुसार शुक्रवार रातकाे एक बजेकाे समयमा आक्रमण गरेकाे खबर छ । जङ्गेबे क्षेत्रकाे एक विद्यालयमा माेटरसाइकल र गाडीमा आएका बन्दुकधारीकाे एक समूहले आक्रमण गरेकाे एक शिक्षकले पञ्च नाम गरेकाे एक समाचार वेबसाइटलाई जानकारी दिए ।

एक शिक्षकले बीबीसीसँग भने, विद्यालयमा चार सय २१ विद्यार्थी छन्, तीमध्ये ५५ जना सुरक्षित छन् र तीन सय छात्राकाे अपहरण गरिएकाे आशङ्का रहेको छ । नाइजेरिया सरकारका प्रवक्ताले आक्रमणको पुष्टि गरेका छन् ।

यसबारेमा अन्य जानकारी दिएका छैनन्, गएका केही हप्तायता भएको अपहरणको घटनामा यसलाई सबैभन्दा ठूलो मानिएको छ । नाइजेरियामा हतियारधारी समूहले फिरौतीकै लागि अपहरण गर्दै आएका छन् ।

नाइजेरियाको छिमेकी देश नाइजरमा गएको हप्ता २७ विद्यार्थी सहित कम्तीमा ४२ जनाको अपहरण गरिएको थियो । त्यो घटनाको बारेमा अहिले सम्म कुनै जानकारी प्राप्त नभएको बीबीसीमा उल्लेख गरिइएको छ ।

डिसेम्बरमा नाइजेरियाकाे कत्सिना राज्यमा बन्दुकधारीले तीन सयभन्दा धेरै छात्रलाई अपहरण गरेका थिए, छलफलपछि उनीहरूलाई रिहा गरिएको थिए ।

शुक्रवार, फाल्गुण १४ २०७७०६:०८:१७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।