कोरोनाको बिरामी बढे,जर्मनमा कडा लकडाउन

मेगा खबर संवाददाता

१, पौष २०७७

1.6K

एजेन्सी, कोरोनाका बिरामी बढेसँगै जर्मनीमा कडा लकडाउन गरिएको छ । स्कुल तथा अत्यावश्यक बाहेकका अन्य सबै व्यापार बन्द गरिएको छ । १० जनवरी सम्म यी नियमहरु लागुू हुने सरकारी अधिकारीहरुले जानकारि दिएका छन् । यद्यपी, क्रिसमसमा भने केही छुट दिइनेछ ।

बुुधबार जर्मनीमा २३ हजार ४ सय २७ जनामा संक्रमण देखिएको थियो । क्रिसमसपूर्व अन्य देशहरुले पनि नियम कडा बनाएका छन् । फ्रान्सले रातको समय कफ्र्यु लगाएको छ । नयाँ नियम अनुसार जर्मनीमा सुपरमार्केट र बैंकजस्ता अत्यावश्यक व्यापार मात्रै खुल्ने भएको छ ।

नोभेम्बर यता स्थानीय स्तरमा लकडाउन गरिएका केही क्षेत्रमा त्यसबेला देखि नै रेस्टुुरेन्ट, बार र अन्य विलासी केन्द्रहरु बन्द छन् । सैलुन बन्द गर्नैपर्ने सूचना जारी गरिएको छ भने सार्वजनिक स्थलमा रक्सी सेवन गर्न पनि प्रतिबन्ध लगाइएको छ । आफ्ना कर्मचारीलाई घरबाटै काममा लगाउनका लागि कम्पनीहरुलाई आग्रह छ ।

महामारी नियन्त्रणमा सरकारले गरेका पहलहरु नियालिरहेको जर्मनीको रोबर्ट कोच इन्स्टिच्युटका लोथर विलेरले महामारी सुरु भएयताकै सबैभन्दा गम्भिर परिस्थिति अहिले सिर्जना भएको बताए ।

‘संक्रमितको संख्या अहिले सम्मकै ठूलो छ यो संख्या बढ्दैछ । अवस्था यसरी नै खराब भइरहन सक्ने र महामारी तथा यसपछि घटना क्रमसँग लड्न कठि हुँदै जाने खतरा पनि देखिएको छ,’ उनले बताए ।

यसअघि युरोपियन मेडिसिन्सन एजेन्सी (ईएमए) लाई फाइजर÷बायोनटेकको खोप स्वीकृत प्रक्रिया चाडैं टुङ्ग्याउन दबाब दिइएको जर्मन सरकारले जनाएका थियो । बेलायत र अमेरिकाले यो खोपलाई स्वीकृति दिइसकेपनि युरोपेली युनियनले यसलाई स्वीकृति दिन बाँकी नै छ । जर्मनी, इटली, स्पेन, फ्रान्सलगायत युरोपेली देशहरुमा महामारीको प्रभाव भयंकर देखिएको पाइन्छ ।

बुधवार, पौष १ २०७७०२:२३:०२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।