सशस्त्र प्रहरी सहायक निरीक्षक निम डिक्की शेर्पाद्वारा ल्होत्से हिमालको सफल आरोहण

मेगा खबर संवाददाता

५, जेठ २०८३

733

सशस्त्र प्रहरी सहायक निरीक्षक निम डिक्की शेर्पाद्वारा ल्होत्से हिमालको सफल आरोहण

काठमाडौँ, सशस्त्र प्रहरी सहायक निरीक्षक निम डिकी शेर्पाले ८ हजार ५१६ मिटर अग्लो ल्होत्से हिमालको सफल आरोहण गर्नुभएको छ ।

विश्वको चौथो अग्लो हिमाल ल्होत्सेको आरोहणसँगै उहाँ सशस्त्र प्रहरी बल नेपालको तर्फबाट ल्होत्से र सगरमाथा दुवै हिमाल सफलतापूर्वक आरोहण गर्ने पहिलो सशस्त्र प्रहरी बन्न सफल हुनुभएको हो । सशस्त्र प्रहरी नायब उपरीक्षक एवम् सह–प्रवक्ता शैलेन्द्र थापाका अनुसार सहायक निरीक्षक शेर्पाले ल्होत्से हिमालको आरोहण मे १८ तारिख (सोमबार) दिउँसो ३ः२५ बजे गर्नुभएको हो । यस उपलब्धिले सशस्त्र प्रहरी बल नेपालको उच्च पहाडी तथा हिमाली उद्धार क्षमतासँगै महिलाहरूको सक्रिय सहभागिता र साहसिक योगदानलाई नयाँ उचाइमा पुर्‍याएको छ ।

सशस्त्र प्रहरी बल नेपालले मनाङ जिल्लामा पर्वतीय उद्धार तालिम शिक्षालय स्थापना गरेपछि पर्वतीय उद्धारसम्बन्धी विभिन्न तालिम सञ्चालन गर्दै आइरहेको छ । निम डिकी शेर्पाको यो ऐतिहासिक आरोहणले उत्तरी सीमा सुरक्षा तथा पर्वतीय उद्धार क्षमताको विकासमा महत्त्वपूर्ण योगदान पुग्ने विश्वास गरिएको छ ।

मंगलवार, जेठ ५ २०८३०१:३५:५१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।