टर्कीमा शक्तिशाली भूकम्पमा परी २२ को मृत्यु, कैयौँ बेपत्ता, उद्धार कार्य जारी

मेगा खबर संवाददाता

१५, कार्तिक २०७७

2.4K

टर्कीमा शक्तिशाली भूकम्पमा परी २२ को मृत्यु, कैयौँ बेपत्ता, उद्धार कार्य जारी

एजेन्सी । टर्कीमा शुक्रबार गएको शक्तिशाली भूकम्पमा परेर २२ जनाको मृत्यु भएको छ । टर्कीको इज्मिर प्रान्तमा केन्द्रविन्दु भएर ६ दशमलव ६ म्याग्निच्यूटको भूकम्प गएको बताइएको छ ।

सबैभन्दा बढी क्षति इज्मिरको एइजिन रिसोर्ट क्षेत्रमा भएको बताइएको छ, जहाँ ३० लाख मानिस बसोबास रहेको छ । यद्यपि, हालसम्म कति जना पुरिएका छन् भन्नेबारे स्पष्ट संख्या आइसकेको छ ।

टर्कीका राष्ट्रपति रेसेप तय्यप एर्दोगनले टेलिभिजनमार्फत सम्बोधन गर्दै भूकम्पमा परेर मृत्यु हुनेहरुको पुष्टि गरेका छन् । उनले १७ वटा भवन क्षतिग्रस्त भएकाले मृत्यु हुनेको संख्या अझै बढ्न सक्ने बताएका छन् ।

उनले घाइतेहरुको उपचार र भग्नावशेषहरु पन्छाउनका लागि सुरक्षा अधिकारीहरुलाई निर्देशन दिइएको बताए । भूकम्पका कारण करिब दुई हजार सर्वसाधारण घरबार बिहीन भएको जनाइएको छ ।

भूकम्प पछि भवनहरु क्षतिग्रस्त हुँदा तीस लाखभन्दा बढी जनसंख्या भएको टर्कीको तेस्रो ठूलो सहर इज्मिरका सर्वसाधारण खुला स्थानमा टेन्ट टाँगेर बसेको बताइएको छ ।

उद्धारमा खटिएकाहरुले ७० जनालाई फोहोरको थुप्रोमा पुरिएको अवस्थामा उद्धार गरेका छन् । भूकम्पलगत्तै समूद्रमा बाढी आएकाले केही माझीहरुसमेत बेपत्ता भएको बताइएको छ ।

गत जनवरीमा पनि टर्कीमा आएको भूकम्पका कारण ३० जनाको मृत्यु भएको थियो भने १६ सय भन्दा बढी घाइते भएका थिए । यस्तै सन् २०१९ को जुलाइपछि आएको यो सबैभन्दा शक्तिशाली भूकम्प रहेको अधिकारीहरुले बताएका छन् ।

शनिवार, कार्तिक १५ २०७७०८:१५:३९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।