अमेरिकाले प्रतिवन्ध लगाउने घोषणा गरेपछि टिकटक आफ्नो सम्पूर्ण हिस्सा दिन राजी

मेगा खबर संवाददाता

१८, श्रावण २०७७

2.3K

अमेरिकाले प्रतिवन्ध लगाउने घोषणा गरेपछि टिकटक आफ्नो सम्पूर्ण हिस्सा दिन राजी

साउन १८, काठमाडौं । डाटा सुरक्षालाई लिएर पछिल्लो एक महिनादेखि भएको लामो वार्ता पश्चात चिनियाँ शर्ट भिडियो अनुप्रयोग टिकटक अमेरिकी स्वामित्वमा जान राजी भएको छ ।

टिकटकले यसअघि अमेरिकाको प्रतिवन्धबाट बच्न आफ्नो शेयरको केही कित्ता अमेरिकालाई दिने भएको थियो । तर, अमेरिकी राष्ट्रपति डोनाल्ड ट्रम्प केही हिस्सेदारी लिन अस्वीकार गरेपछि शुक्रबार यस एपलाई प्रतिवन्ध लगाउन घोषणा गरेका थिए । तर, आइतबार अन्तिम समयमा टिकटकले आफ्नो सम्पूर्ण हिस्सा अमेरिकालाई दिने भएपछि माइक्रोसफ्ट र टिकटकबीच सम्झौता भएको छ ।

समाचार एजेन्सी रोयटर्सकाअनुसार यदि टिकटक माइक्रोसफ्टको स्वामित्वमा आयो भने अमेरिकाका प्रयोगकर्ताहरूका डाटाको सुरक्षाका लागि स्वयम् अमेरिका जिम्मेवार हुने र प्रयोगकर्ताहरुको सम्पूर्ण डाटा माइक्रोसफ्टको सर्भरमा भण्डारण हुनेछ ।

यद्यपि माइक्रोसफ्टसँगको यस सम्झौताबारेमा अहिलेसम्म टिकटक र माइक्रोसफ्टबाट कुनै आधिकारिक प्रतिक्रिया भने सार्वजनिक भइसकेको छैन ।

अमेरिकामा ८० मिलियन टिकटक प्रयोगकर्ताहरु सक्रिय छन् । यस्तो अवस्थामा टिकटकको यस निर्णयले उसलाई ठूलो नोक्सानबाट बचाउने अपेक्षा गरिएको छ ।

आइतवार, श्रावण १८ २०७७०९:२४:१२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।