अमेरिकामा नेपाली मूलका कलाकार केसी प्रथम स्थान हासिल

मेगा खबर संवाददाता

९, आषाढ २०७८

1.4K

अमेरिकामा नेपाली मूलका कलाकार केसी प्रथम स्थान हासिल

काठमाडाै, करिव डेढ दशक देखि डिसी महानगर क्षेत्रमा जम्दै आएका नेपाली मूलका कलाकार चित्रकार राजेन्द्र केसीले बनाएका चित्रकलाले प्रथम स्थान हासिल गरेका छन् ।

उनले अमेरिकाको मेरिल्याण्ड राज्यको एलिकट सिटी नामक शहरमा आयोजना भएको चित्रकला प्रतियोगितामा पहिलो स्थान हासिल गरेका छन् । प्रतियोगितामा सहभागी हुने केसी नेपाली मूलका एक मात्र कलाकार छन् ।

उनले जुरिड आर्टिस्टको रुपमा उक्त प्रतियोगिता सहभागी हुँदा उनले ४० जना अमेरिका भरिका कलाकारलाई पछि पार्दै पहिलो स्थान भएका हुन् । उक्त प्रतियोगितामा अमेरिका भरिका थुप्रै कलाकारहरुले सहभागी हुन् पाउँछन् तर निर्णायक समितिले ४० जनालाई मात्र छनौट गर्दछ ।

४० जना मध्ये उत्कृष्ट मध्ये चित्रकार केसी प्रथम भएका हुन् । उनले उक्त प्रतियोगितामा प्रथम भएपछि सामाजिक संजाल मार्फत उनले यो मेरो जीवन-यात्राको धेरै शीर्ष चुनौती हो भनि खुशी व्यक्त गरेका छन् ।

उनले उक्त प्रतियोगितामा दुई वटा चित्रकला बनाएका थिए भने उक्त चित्रकला तुरुन्तै बिक्री भएको छ । उक्त प्रतियोगिता मेरिल्याण्ड राज्यको ऐतिहासिक शहर एलिकोटमा जुन १० -१३ सम्म चलेको थियो । गत जुन १८ शुक्रबारका दिन जुम (परोक्ष ) माध्यमबाट कलाकार राजेन्द्र केसीलाई पुरस्कार प्रदानको घोषणा गरेको थियो ।

यस विजयी संगै फेरी मेरिल्याण्डमा हुने अर्को प्रतियोगितामा केसी सहभागी हुने भएका छन् । डिसी क्षेत्रमा रहने केसीले विभिन्न पुरस्कार पाइरहने गर्दछन् । काठमाडौँ जावलाखेल घर भई झन्डै १४ वर्ष अगाडी सपरिवार अमेरिका आएका केसीले प्रारम्भिक चरणमा नेपालबाट अमेरिका आउँदा आफूभित्र भएको प्रतिभालाई प्रस्फुटन गर्न नपाउँदा उकुसमुकुस भएको बताएका छन् ।

।

बुधवार, आषाढ ९ २०७८११:०१:०८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।